Афіша
Менск. Сярэднявечная дыскатэка з гуртом «Стары Ольса» ў Beer&Wine bar (Кульман, 9). Сярэднявечныя кавэры на вядомыя рокавыя кампазыцыі. Пачатак: 19.00
Менск. «Дзіцячыя творчыя майстэрні» Галерэі сучаснага мастацтва «Ў» (пр. Незалежнасьці, 37 а) працягваюць курс «У сярэдзіне карціны» пад кіраўніцтвам мастацтвазнаўцы Сафіі Садоўскай і мастака Bazinato, у якім дзеці пагружаюцца ў сьвет слынных палотнаў. Пачатак: 14:00
Берасьце. У межах праекта «Ёсьць размова», арганізаванага аб’яднаньнем «Дзедзіч», адбудзецца сустрэча (ул. Маякоўскага 46-1) зь лідэрам гурту «Рэха» і «Гаротніца» Андрусём Такіндангам. Пачатак: 19:00. Уваход вольны.
Менская вобласьць. Займальнае падарожжа з «Куфэркам падарожжаў». У праграме: Новае Поле — сядзібны дом Друцкіх-Любецкіх ХІХ стагодзьдзя; Ракаў — ансамбаль капліцы-пахавальні Здэхоўскіх і брамы (усё ХІХ стагодзьдзя) на габрэйскіх могілках XVI — пачатку XX стагоддзяў, касьцёл пачатку ХХ стагодзьдзя, царква канца XVIІІ стагодзьдзя, музэй матэрыяльнай культуры Ракава; Падневічы — капліца-пахавальня Жаброўскіх ХІХ стагодзьдзя, магіла Вінцэнта Дуніна-Марцінкевіча; Івянец — касьцёл пачатку ХХ стагодзьдзя, касьцёл і кляштар францысканцаў сярэдзіны XVIІІ стагодзьдзя, сынагога канца ХІХ стагодзьдзя; Пяршай — касьцёл Сьв. Юрыя 20-х гадоў ХХ стагодзьдзя.
Горадня. Беларускія музыкі — скрыпач Арцём Шышкоў, віялянчэліст Іван Карызна і піяніст Кірыл Кедук — у Драматычным тэатры (вул. Маставая, 35) выканаюць «Поры года» Пятра Чайкоўскага і творы Астара Пьяцолы. Пачатак у 19:00
Менск. Матч чэмпіянату Кантынэнтальнай хакейнай лігі «Дынама» (Менск) — «Jokerit » (Хэльсынкі). Месца правядзеньня — «Менск-Арэна» (пр. Пераможцаў, 111). Пачатак у 17:00
У гісторыі:
1926 — першы ўсебеларускі краязнаўчы зьезд.
1992 — устаноўчы зьезд Беларускай асацыяцыі ахвяраў палітычных рэпрэсій.
У памяці:
1546 — нарадзіўся Фёдар Еўлашоўскі, аўтар аднаго зь першых узораў старабеларускай мэмуарнай літаратуры: «Дзёньніка» (1603-1604).
1881 — нарадзіўся Рамуальд Зямкевіч, беларускі бібліёграф, гісторык літаратуры, публіцыст, перакладчык.
1891 — памёр Вінцэсь Каратынскі, беларускі і польскі пісьменьнік і перакладчык.
1892 — нарадзіўся Антон Сокал-Кутылоўскі, вайсковы і грамадзкі дзяяч, адзін з кіраўнікоў Слуцкага збройнага чыну, вязень ГУЛАГу.
1893 — нарадзіўся Рыгор Рак, беларускі краязнавец.
Цытата:
Нехта верыць у тое, што нічога няма,
Нехта верыць у Алаха, нехта верыць у Хрыста
Нехта верыць у росквіт, нехта — ў заняпад
Нехта верыць у Калашнікава аўтамат...
Ды ўсіх, як ня дзіва, трывае зямля,
Нам у сьвеце здрабнелым ратунку няма.
Толькі кулі ніколі ня вернеш назад
Чужая бяда — не чужая бяда,
Ды ўсіх, як ня дзіва, трывае зямля
Багдановіч пра гэта аднойчы пісаў,
Мы да зорак ляцім, што ж сварыцца дарма
Толькі кулі ніколі ня вернеш назад...
Зь песьні Андруся Такінданга
