Афіша
Слуцак — Слуцкі райвыканкам дазволіў правесьці ў Слуцку ўрачыстую дэманстрацыю і мітынг з нагоды 95-й гадавіны Слуцкага збройнага чыну. Збор а 14:30 каля будынку Слуцкага краязнаўчага музэю. Адтуль калёна рушыць па ходніках да гарадзкога парку культуры і адпачынку на вуліцы Віленскай, дзе мае адбыцца ўрачысты мітынг ушанаваньня памяці ўдзельнікаў Слуцкага паўстаньня 1920 году. У акцыі плянуюць узяць удзел прадстаўнікі Партыі БНФ, руху «За свабоду», руху салідарнасьці «Разам», Моладзі БНФ ды іншых арганізацыяў. Чакаецца, што прымуць прысягу новыя актывісты "Маладога Фронту«.Пасьля мітынгу мяркуецца правесьці ў Слуцку сустрэчу з гісторыкамі, якія дасьледуюць падзеі антыбальшавіцкага супраціву на Случчыне.
Менск — гурт Neuro Dubel запрашае на свой вялікі сольны канцэрт у менскі клуб RE:PUBLIC (вул. Прытыцкага, 62). Пачатак а 19-ай
Віцебск — у Цэнтры сучаснага мастацтва у цыклі кінапаказаў нямых фільмаў з жывою музыкай — фільм «Кастусь Каліноўскі» 1928 году і Сяргей Пукст. Вуліца Белабародава, 5, пачатак а 19-ай.
Горадня — выстава «Мастакі парыскай школы родам з Гарадзеншчыны». Гарадзенскі дзяржаўны гісторыка-археалягічны музэй, Новы замак (Гродна, вул. Замкавая 20) Пачатак 10.00.
Глыбокае — Парафія Сьвятой Тройцы ў Глыбокім запрашае моладзь на музычна-эвангелізацыйную праграму «Angel party. Глыбоцкі гарадзкі дом культуры. Пачатак а 16-ай.
У гісторыі
1812 — бітва на Бярэзіне, разгром «Вялікай арміі» Напалеона.
1923 — у Беларусі было заснаванае літаратурнае аб’яднаньне «Маладняк».
1943 — Пачатак Тэгеранскай канфэрэнцыі паміж кіраўнікамі Вялікабрытаніі, ЗША і СССР у ходзе другой сусьветнай вайны.
1991 — Паўднёвая Асэтыя абвяшчае незалежнасьць ад Грузіі.
1994 — у Нарвэгіі адбыўся рэфэрэндум, згодна з вынікамі якога большасьць насельніцтва адмовілася ад далучэньня да Эўрапейскага Зьвязу.
У гэты дзень нарадзіліся
1757 — Ўільям Блэйк, ангельскі паэт, пісьменьнік, мастак, друкар.
1820 — Фрыдрых Энгельс, нямецкі філёзаф і эканаміст.
1880 — Аляксандар Блок, расейскі паэт-сымбаліст.
1907 — Андрэй Павук, беларускі мастак.
1931 — Генадзь Кляўко, беларускі паэт, перакладчык.
1958 — Уладзімер Карват, беларускі вайсковы лётчык, першы Герой Беларусі.
У гэты дзень памерлі
1694 — Мацуа Басё, японскі паэт.
1859 — Вашынгтон Ірвінг, амэрыканскі пісьменьнік пачатку XIX стагодзьдзя.
1937 — Леў Цьвяткоў, беларускі мовазнавец, літаратуразнавец, пэдагог, журналіст.
1954 — Энрыка Фэрмі, выбітны італьянскі фізык, адзін з заснавальнікаў квантавае фізыкі.