Адзін з арганізатараў «Народнага сходу» супраць разьмяшчэньня расейскай вайсковай базы ў Беларусі Мікола Статкевіч у камэнтары для Радыё Свабода падсумаваў акцыю.
«Я ацэньваю, што людзей прыйшло ў паўтары-два разы больш, чым мінулы раз, 23 верасьня.
Акцыя адбылася. Мы выканалі свой абавязак. Спадзяюся, што мы данесьлі беларусам інфармацыю пра небясьпеку з боку ваеннай базы ў Беларусі.
Міліцыянты склалі пратаколы на ўсіх, хто выступаў зь мікрафонам. Як гэта можна ацаніць? Відавочна, што не было загаду для брутальных дзеяньняў, не было прэвэнтыўных затрыманьняў. Завялі адміністрацыйныя справы. Асабіста ў мяне гэта будзе ўжо трэцяе адміністрацыйнае спагнаньне за пікеты і акцыі».
Паводле ацэнак карэспандэнтаў Радыё Свабода, у «Народным сходзе» ўзялі ўдзел каля 500 чалавек.