Афіша:
У рамках Міжнароднага форуму тэатральнага мастацтва «ТэАрт» у Менску будуць паказаны спэктаклі «Доступ да цела» (Палац культуры і спорту чыгуначнікаў) і «У маленькай сядзібе» (Беларускі дзяржаўны маладзёвы тэатар).
У «Доме карцін» у Менску (пр-т Пераможцаў, 89, к. 3) працуе выстава Далі, Маціса і Шагала «Вялікія клясыкі ХХ стагодзьдзя».
У гісторыі:
1713 — нарадзіўся Дэні Дыдро, францускі пісьменьнік і філёзаф.
1925 — у ЗША выйшла першая кніга Эрнэста Гэмінгуэя, невялікі зборнік апавяданьняў пад загалоўкам «У наш час».
1936 — нарадзіўся Вацлаў Гавэл, драматург, апошні прэзыдэнт Чэхаславакіі й першы прэзыдэнт сучаснай Чэскай Рэспублікі.
1962 — у пракат выйшаў «Dr. No», першы фільм з сэрыі пра брытанскага супэрагента Джэймса Бонда.
1962 — выйшаў першы самотнік «The Beatles», «Love Me Do».
У памяці:
1937 — памёр Лукаш Калюга, беларускі пісьменьнік.
1938 — памёр Ян Цеханоўскі, нацыянальны дзяяч Заходняй Беларусі, пэдагог, дырэктар Наваградзкай беларускай гімназіі.
2011 — памёр Стыў Джобс, адзін з заснавальнікаў і былы генэральны дырэктар карпарацыі Apple.
Цытата:
«Як толькі чалавек пачынае лічыць сябе цэнтрам сьветабудовы і меркай усіх рэчаў, сьвет губляе свой чалавечы твар, а чалавек губляе кантроль над сьветам».
Вацлаў Гавэл