Новае фота кожны дзень, увесь год. Загружайце сюды свае здымкі гарадзкіх і прыродных краявідаў, падзеяў і зьяваў жыцьця ў 2015 альбо на пошту radiosvaboda@gmail.com. Пажадана дасылаць фота ў прапорцыі 16 на 9.
Афіша
У Кітайскай акадэміі навук у Пэкіне пройдзе першы беларуска-кітайскі форум. Пэрспэктывы супрацоўніцтва будуць абмяркоўвацца з удзелам беларускіх вучоных.
У Празе пройдзе надзвычайны саміт лідэраў краін Вышаградзкай чацьвёркі, скліканы для абмеркаваньня міграцыйнага крызысу ў Эўропе. Удзел бяруць прадстаўнікі Чэхіі, Славаччыны, Польшчы і Вугоршчыны.
У менскай галерэі Ў адкрываецца выстава «Сусьвет усярэдзіне» — гэта мастацкія працы дзяцей, якімі апякуецца госьпіс. Пачатак а 18-й.
Асьветніцкую акцыю «Ноч кажаноў» праводзяць сумесна грамадзкая арганізацыя «Ахова птушак Бацькаўшчыны» і Нацыянальная Акадэмія навук. У 19:30 у актавай залі акадэміі (Акадэмічная, 27 у Менску) пройдзе лекцыя навуковага супрацоўніка Аляксея Шпака пра тое, што насамрэч ядуць кажаны, ці ўмеюць яны сьпяваць і чаму яны вядуць начны лад жыцьця. Ад 21:00 пройдзе экскурсія ў сталічным парку Горкага.
У Берасьці аб’яднаньне «Дзедзіч» запрашае на размову з фінансавым аналітыкам Сяргеем Чалым, які абяцае падзяліцца сваім поглядам на эканамічную сытуацыю ў краіне і адказаць на пытаньні. (Вул. Маякоўскага, 46-1, пачатак а 18:30).
ДЗЕНЬ У ГІСТОРЫІ
1390 — крыжакі разам з Вітаўтам напалі на Вільню і спалілі Крывы замак.
1580 — у ходзе Інфлянцкай вайны войскі Рэчы Паспалітай на чале з Стэфанам Баторыем пасьля 2-тыднёвай аблогі ўзялі горад Вялікія Лукі.
1583 — у Берасьцейскай друкарні выдадзеная Біблія, дзе былі зьмешчаныя ўсе тэксты Старога і Новага запаветаў, вядомая як Берасьцейская або Радзівілаўская Біблія, самая вялікая і багата аформленая беларуская кніга XVI стагодзьдзя.
1998 — заснаваная кампанія «Google».
2006 — у Нацыянальнай бібліятэцы адкрыўся музэй кнігі.
У гэты дзень нарадзіліся:
1809 — Юльюш Славацкі, польскі паэт.
1859 — Браніслаў Эпімах-Шыпіла, дзяяч беларускага нацыянальнага руху.
1893 — Юзюк Фарботка, паэт, грамадзка-культурны дзяяч, заоляг.
1936 — Сакрат Яновіч, беларускі пісьменьнік, публіцыст, грамадзкі дзяяч.
У гэты дзень памерлі:
1963 — Рабэр Шуман, прэм’ер-міністар Францыі, адзін з ідэолягаў стварэньня Эўразьвязу.
1997 — Міхась Раманюк, беларускі этнограф.
Цытата на памяць:
«Літва жыве! Літва жыве!
І сонца шле ёй промні хвалы,
І столькі сэрц для Краю б’ецца!
І столькі сэрцаў біцца перастала».
З Песьні Літоўскага легіёну Юліюша Славацкага.
