Лінкі ўнівэрсальнага доступу

Маці Алеся Чаркашына ня ведала, што сын знаходзіўся ў зоне АТА


Алесь Чаркашын
Алесь Чаркашын

Маці даведалася аб сьмерці сына ад сяброў хлопца.

Аб гэтым Свабодзе распавяла берасьцейская прафсаюзная лідэрка Зінаіда Міхнюк. Спадарыня Міхнюк разам зь берасьцейскімі актывістамі наведала маці Алеся Чаркашына ды паведаміла пра сьмерць яе сына.

Зінаіда Міхнюк
Зінаіда Міхнюк

«Дома мы засталі маці — такая меньшанькая за мяне, худзенькая жанчына. Яна сказала, што ўжо не працуе, я так зразумела, што яна на пэнсіі... Яна, вядома, адразу не паверыла, кажа, маўляў, мы нешта наблыталі. Я патлумачыла, што мы шмат разоў праверылі, перад тым, чым прыйсьці да яе. Яна пачала плакаць, а потым сказала, што хоча пабыць адна... Ён, вядома, не гаварыў праўду маці, нядаўна тэлефанаваў, казаў, што ўсё добра, што ён не ваюе», — распавяла Зінаіда Міхнюк.

Спадарыня Міхнюк кажа, што маці настаяла, каб Алеся прывезьлі хаваць у Берасьце, каб мець магчымасьць наведваць магілу сына.

Зьміцер Шурхай
Зьміцер Шурхай

Сябра БХД Зьміцер Шурхай распавёў Свабодзе, што цела Алеся Чаркашына мяркуюць прывезьці ў Берасьце ў панядзелак:

«Недзе ў панядзелак будзе рэфрыжэратар у Берасьці. Раніцай, уначы будзем чакаць. Сёньня-заўтра будзе дакладна вядома, у панядзелак, ці ў аўторак будзе пахаваньне. Я мяркую, што ў панядзелак.»

Спадар Шурхай быў сябрам Алеся Чаркашына:

«Я ведаў, што ён навучаўся ва Ўкраіне. Там ён, будучы студэнтам, езьдзіў у зону АТА, наведваў у якасьці місіянэра. Раздавалі там „Новы Запавет“. Ужо потым, недзе праз паўгоду ён паехаў туды...»

Пахаваньне Алеся Чаркашына можа адбыцца у панядзелак 31 жніўня альбо ў аўторак 1 верасьня.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG