У Мастаўлянах, што ў Гарадоцкай гміне на Беласточчыне, усталяваны помнік у гонар беларускага нацыянальнага героя Кастуся Каліноўскага.
Як зазначае дырэктар Гміннага цэнтру культуры ў Гарадку Юрка Астапчук, такім чынам аддаецца гонар Кастусю Каліноўскаму:
«Гэта падтрымка памяці, якая ёсьць у народзе. Вядома, будуць ім захапляцца людзі, і тыя, якія ня ведаюць, хто такі Кастусь Каліноўскі, напэўна, запытаюць, напэўна, прачытаюць пра яго жыцьцё і даведаюцца. І праз гэта Кастусь Каліноўскі будзе жыць».
Аўтарам праекта помніка зьяўляецца Януш Талуць з Беластока.