Лінкі ўнівэрсальнага доступу

Казахстан: Мы ня бачым сувязі паміж аварыяй «Пратону» і гібельлю сайгакаў


За апошнія некалькі тыдняў у Казахстане загінула прыблізна 90 тысяч сайгакаў
За апошнія некалькі тыдняў у Казахстане загінула прыблізна 90 тысяч сайгакаў

Улады Казахстану расьсьледуюць масавую гібель сайгакаў, занесеных у Чырвоную кнігу.

Меірбек Малдабекаў, які выконвае абавязкі старшыні Аэракасьмічнага камітэту (Казкосмас), сёньня, выступаючы на парлямэнцкіх слуханьнях у Астане, адзначыў, што ў ведамстве ня бачаць прамой сувязі паміж падзяжом жывёлаў і ракетнымі аварыямі на Байкануры. Але ён ня выключыў, што прычыны масавага выміраньня могуць быць зьвязаныя з экалёгіяй.

За апошнія некалькі тыдняў у Акмолінскай, Кустанайскай і Акцюбінскай абласьцях загінула прыблізна 90 тысяч сайгакаў, каля траціны іх папуляцыі. Экалягічныя актывісты з руху «Антыгептыл» лічаць, што гібель сайгакаў можа быць зьвязаная з запускамі расейскіх ракет «Пратон», якія выкарыстоўваюць высокатаксычнае паліва гептыл. Апошняя аварыя ракетаносьбіта «Пратон-М» здарылася 16 траўня.

Казахстан ужо запрасіў у краіну эўрапейскіх вэтэрынарных спэцыялістаў. Меірбек Малдабекаў таксама сказаў журналістам, што Масква пагадзілася правесьці сумеснае расьсьледаваньне экалягічных наступстваў краху «Пратону».

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG