Кіраўнік Чачні Рамзан Кадыраў адкрыў у рэспубліцы аддзяленьне мотаклюбу «Начныя ваўкі» і стаў яго лідэрам.
У сацыяльнай сетцы Instagram Кадыраў напісаў, што ўступіў у мотаклюб, паколькі цалкам падзяляе яго ідэі і мэты.
Сябрамі чачэнскага аддзелу «Начных ваўкоў», акрамя Кадырава, сталі яшчэ 15 жыхароў рэспублікі. Усе яны падпісалі так званую прысягу мотаклюбу і атрымалі з рук лідэра руху, Аляксандра Залдостанова, скураныя камізэлькі з сымболікай.
Лідэр байкераў назваў адкрыцьцё ў Чачні аддзелу «Начных ваўкоў» сымбалем аб’яднаньня Расеі. На яго думку, Кадыраў зьяўляецца «ваяром», ад учынкаў якога «многае залежыць».
