У Адэсе падчас памятных мерапрыемстваў з нагоды гадавіны трагічных падзей 2 траўня 2014 году адбылося сутыкненьне — удзельнік праўкраінскага мітынгу спрабаваў зьняць з удзельніка іншага мітынгу георгіеўскую стужку.
У сваю чаргу праўкраінскія актывісты, якія сабраліся на гэтым мерапрыемстве, скардзіліся карэспандэнту Радыё Свабода, што міліцыя прымушала зьняць іх ўкраінскую сымболіку.
Актывісты на Куліковым полі скандуюць «Не забудземся, не прабачым», «Парашэнка — прэч», «Урад — у Качаніўку» і «Янкі — гоў гоўм».
Паміж актывістамі з розных лягераў час ад часу ўзьнікаюць моўныя сваркі.
Сёньня ў Адэсе адначасова праходзяць два мітынгі — на Куліковым полі, які праводзяць прадстаўнікі «антымайдану» і мітынг праўкраінскіх актывістаў на Саборнай плошчы Адэсы.
У горадзе на сёньняшні дзень дзейнічаюць ўзмоцненыя захады бясьпекі. Усе, хто прыйшоў на Кулікова поле, праходзілі праз рамкі металашукальнікаў.
Радыё Свабода вядзе прамую трансьляцыю з Куліковага поля:
Там жа працуюць і нашы фотакарэспандэнты:
