Байцы Нацыянальнай гвардыі разам з памежнікамі выявілі на мяжы з Прыднястроўем ў тайніку 102 міны. Пра гэта гаворыцца на сайце МУС Украіны.
«Усяго было выяўлена 102 міны. З-за іх стану праваахоўнікі былі вымушаныя зьнішчыць іх на месцы», — гаворыцца ў паведамленьні.
Знойдзеныя міны падарвалі на месцы.
У Радзе нацыянальнай бясьпекі і абароны раней паведамілі пра тое, што Ўкраіна ўзмацняе ахову мяжы з Прыднястроўем для перадухіленьня дывэрсійнай дзейнасьці.