У лісьце, між іншага, гаворыцца:
«Разумеючы і высока ацэньваючы ваш уклад у разьвіцьцё Эўрапейскага гуманітарнага ўнівэрсытэту на працягу многіх гадоў, а асабліва ваша жаданьне рэфармаваць ЭГУ і зрабіць яго канкурэнтаздольнаю адукацыйнаю ўстановаю, якая адказвае на сёньняшнія выклікі і трэнды ў сфэры вышэйшай адукацыі, студэнты і выпускнікі Эўрапейскага гуманітарнага ўнівэрсытэту з павагаю просяць вас:
1. Уключыць прадстаўніка студэнтаў і выпускнікоў у працэс выбару рэктара з правам голасу;
2. Вярнуцца да першапачатковай канцэпцыі зьмяшанага беларускага і заходняга кіраўніцтва;
3. Зрабіць больш празрыстай усю кіроўную структуру ўнівэрсытэту згодна з эўрапейскімі стандартамі».
За тыдзень было сабрана каля 250 подпісаў студэнтаў і 120 подпісаў выпускнікоў. Подпісы будуць зьбірацца і далей.
Прэзыдэнт Студэнцкага прадстаўніцтва Дзяніс Кучынскі мае прадставіць гэты адкрыты ліст старшыні Кіроўнай рады Дэніэлу Таршысу на сустрэчы зь міністрам замежных спраў Літвы Лінасам Лінкявічусам, якая адбудзецца 30 студзеня ў Вільні.
