ПАДЗЕІ ДНЯ
Міжнародны дзень мігранта.
З Івацэвіцкай калёніі на Берасьцейшчыне на волю мусіць выйсьці палітвязень Эдуард Лобаў.
У менскай галерэі «Лябірынт» Нацыянальнай бібліятэкі Беларусі пройдзе прэзэнтацыя новых кніг сэрыі «Бiблiятэка часопiса «Маладосць». Пачатак а 16-й гадзіне.
У Гомельскай абласной унівэрсальнай бібліятэцы імя. Леніна адкрыецца пэрсанальная выстава інтуітыўнага жывапісу Святланы Каласковай-Чаплінскай «Падарожжа душы». Пачатак а 16-й гадзіне.
У менскім Палацы мастацтваў распачнецца выстава-кірмаш для старэйшых асобаў «50 ПЛЮС». У чацьвер пройдзе прэзэнтацыя праекту «Дзеці вайны». Пачатак а 16-й гадзіне.
У малой залі Музэя сучаснага мастацтва ў Менску адбудзецца адкрыцьцё выставы тэкстыльных аб’ектаў Анастасіі Арайс і Веранікі Фомінай «Соль зямлі». Пачатак а 17-й гадзіне.
У Музэі сучаснага выяўленчага мастацтва ў Менску грамадзянская кампанія «Ў абарону беларускіх балот» запрашае на прэм’еру «Подых балот». Падчас падзеі выступіць гурт «Нагуаль» з кампазыцыямі, напісанымі адмыслова для фільму. Пачатак а 19-й гадзіне.
У Менску ў кінатэатры «Перамога» пройдуць Дні нямецкага кіно. Фільмы пакажуць на нямецкай мове з расейскімі субтытрамі. Пачатак а 19-й гадзіне.
ГЭТЫ ДЗЕНЬ У ГІСТОРЫІ
1865 — прынятая трэцяя папраўка да Канстытуцыі ЗША, якая ліквідавала рабства.
1882 — у Беларусі ўсталяваныя першыя тэлефонныя лініі (паміж гомельскім маёнткам князя Паскевіча, ягоны палацам, фабрыкамі і фальваркам).
1917 — у Менску распачаўся I Усебеларускі кангрэс.
1940 — зацьверджаны «Плян Барбароса» — нападу нацысцкай Нямеччыны на СССР.
1973 — ураджэнец Беларусі Пётар Клімук зрабіў арбітальны палёт на касьмічным караблі «Саюз-13» у якасьці камандзіра карабля і стаў першым беларусам у космасе.
1979 — на Менскім паліграфічным камбінаце імя Якуба Коласа надрукаваная мільярдная кніга.
2010 — Пачатак акцый пратэсту ў Тунісе, якія праз 28 дзён прывялі да скіданьня прэзыдэнта Зін аль-Абідзін Бэн Алі.
У гэты дзень нарадзіліся:
1913 — Вілі Брант, канцлер Нямеччыны (1969-1974), ляўрэат Нобэлеўскай прэміі міру.
1928 — Эдуард Загарульскі, беларускі археоляг.
У гэты дзень памерлі:
1969 — Пятро Глебка, паэт, грамадзкі дзеяч.
1971 — Аляксандар Твардоўскі, расейскі паэт, рэдактар часопіса «Новый мир», дзе ўпершыню былі надрукаваныя творы Васіля Быкава.
2011 — Вацлаў Гавэл, пісьменьнік, першы прэзыдэнт Чэскай рэспублікі.
Дарагія сябры,
Хацеў бы сардэчна вас павіншаваць на парозе новага году і пажадаць вам і вашым блізкім, каб ён быў лепшым, чым мінулы. Выказваю салідарнасьць з вашай пазыцыяй і буду і надалей выкарыстоўваць усе магчымасьці, каб разам са сваімі сябрамі зьвяртаць увагу міжнароднай грамадзкасьці на парушэньне грамадзянскіх правоў у Беларусі.
Жадаю усяго добрага вам і свабоды вашай краіне.
Апошні ліст Вацлава Гаўла беларускім палітвязьням
Каляндар Бахарэвіча
18 сьнежня 1973 Пятро Клімук ляціць у космас
