Міністар абароны Злучаных Штатаў Чак Хейгел падаў у адстаўку. Пра гэта паведамляюць амэрыканскія СМІ са спасылкай на крыніцы ў адміністрацыі Барака Абамы.
Паведамляецца таксама, што прэзыдэнт ЗША прыняў адстаўку кіраўніка Пентагона.
Былы сэнатар-рэспубліканец працаваў міністрам абароны ЗША з пачатку 2013 года. Яго адстаўку зьвязваюць з вынікамі нядаўніх выбараў у Сэнат ЗША і з крытыкай з боку апанэнтаў ўраду ў дачыненьні да вайсковай кампаніі ў Аўганістане і апэрацый, накіраваных супраць экстрэмісцкай групоўкі «Ісламская дзяржава» ў Сірыі і Іраку.
Хейгел застанецца на сваёй пасадзе ў Пэнтагоне, пакуль не будзе названы ягоны пераемнік.
