22 лістапада ў інтэрнэце зьявіўся сюжэт з тэлеканалу «Расея», у якім паказаныя законы і парадкі войска Данскога казацкага апалчэньня, якое падтрымлівае прарасейскіх сэпаратыстаў на Данбасе.
На відэа паказана, што за дысцыплінарныя і іншыя парушэньні салдаты падпадаюць пад фізычнае пакараньне бізунамі.
У першы раз гэта ўдары пяцьцю бізунамі, за паўторнае ж парушэньне можна атрымаць і 25 бізуноў.
Такім чынам караюць і за кіраваньне ў нецьвярозым стане, і за крадзеж мабільнага тэлефона. Пасьля пакараньня салдат павінен вымавіць фразу «Дзякуй, бацька, за навуку».
Адзін з камэнтатараў пад відэаролікам адзначае: «Тое, што ў цывілізаваным сьвеце ўспрымаецца як сапраўднае дзікунства, у гэтым войску бачаць як адзіны правільны мэтад выхаваньня байцоў».
Карына Навіцкая