Лінкі ўнівэрсальнага доступу

Пачынае дзейнічаць пагадненьне аб асацыяцыі паміж Украінай і ЭЗ


Прымяненьне часткі пагадненьня, датычнай зоны свабоднага гандлю, адкладзена да пачатку 2016 году. Пакуль Ўкраіна мае ад ЭЗ аднабаковыя гандлёвыя льготы.

Пачатак часовага ўжываньня пагадненьня аб асацыяцыі паміж Украінай і Эўразьвязам з 1 лістапада 2014 г. адпавядае памкненьням украінскага народу, пагадненьне аб асацыяцыі не зьяўляецца канчатковай мэтай супрацоўніцтва паміж Украінай і ЭЗ. Пра гэта гаворыцца ў сумеснай заяве прэзыдэнтаў Украіны, Эўрапейскага савету і Эўрапейскай камісіі з нагоды пачатку часовага ўжываньня пагадненьня аб асацыяцыі, якое 31 кастрычніка апублікавала прэс-служба прэзыдэнта Ўкраіны.

«Пагадненьне аб асацыяцыі стане ключавым інструмэнтам рэалізацыі пры падтрымцы Эўразьвязам вельмі неабходных рэформаў ва Ўкраіне ў наступныя гады. Пагадненьне будзе спрыяць росквіту і стабільнасьці на нашым кантынэнце і створыць новыя магчымасьці для рэгіянальнага супрацоўніцтва паміж Украінай і яе суседзямі», — адзначаецца ў заяве.

Аўтары дакумэнта вітаюць падаўжэньне тэрміну дзеяньня гандлёвых прэфэрэнцый Эўрасаюзу для Ўкраіны да канца 2015 году.

1 лістапада пачынае дзейнічаць пагадненьне аб асацыяцыі паміж Украінай і Эўрапейскім Зьвязам. Часовае прымяненьне часткі пагадненьня, датычнай зоны свабоднага гандлю, адкладзена да пачатку 2016 году. Пакуль ЭЗ захаваў для Ўкраіны аднабаковыя гандлёвыя льготы.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG