Як паведаміў «Інтэрфаксу» супрацоўнік апарату ўраду Расеі, у рамках пасяджэньня заплянаваныя сустрэчы Дзьмітрыя Мядзьведзева з прэзыдэнтам Аляксандрам Лукашэнкам, а таксама з прэм’ер-міністрам Мясьніковічам.
Будуць абмяркоўвацца больш як 30 пытаньняў расейска-беларускіх адносін.
Падчас апошняй сустрэчы Мядзьведзева і Мясьніковіча 7 кастрычніка ў Сочы бакі дамовіліся пра тое, што ў 2015 годзе для кампэнсацыі страт бюджэту Беларусі ад падатковага манэўру ў нафтавай галіне Расеі ўсе пошліны ад нафтапрадуктаў, якія вырабляюцца ў Беларусі з расейскай нафты і пастаўляюцца ў трэція краіны, будуць залічвацца ў беларускі бюджэт.