Па факце крушэньня Су-25 116-й штурмавой авіяцыйнай базы ваенна-паветраных сілаў і войскаў супрацьаветранай абароны ўсчатая крымінальная справа за парушэньне правілаў палётаў і падрыхтоўкі да іх.
Пра гэта паведаміў начальнік Галоўнага сьледчага ўпраўленьня Алег Шандаровіч.
«Загінулых і пацярпелых няма. Пілёт катапультаваўся і цяпер знаходзіцца ў мэдычнай установе. Стан яго здароўя здавальняючы».
На сайце Сьледчага камітэту зьявіліся фота і відэа зь месца крушэньня штурмавіка.