Пра гэта паведаміў 23 верасьня памочнік генэральнага сакратара ААН Іван Сімановіч падчас выступу на пасяджэньні Рады ААН па правах чалавека.
Сімановіч паведаміў, што па стане на 21 верасьня ў канфлікце на ўсходзе Ўкраіны зафіксавана 3543 загінулыя. Ён адзначыў, што рэальная колькасьць можа быць значна большай.
Лічба, якую назваў дыплямат, уключае 298 ахвяраў катастрофы малайзійскага пасажырскага «Боінга» ў Данецкай вобласьці Ўкраіны.
Папярэдняя колькасьць загінулых, якую ААН прыводзіла месяц таму, складала каля 2600.