Асьвяціў помнік сьвятар грэка-каталіцкай царквы, айцец Андрэй Абламейка. На асьвячэньні прысутнічалі сваякі і сябры.
Аўтар помніка — скульптар Ігар Засімовіч.
Юрась Бушлякоў памёр пасьля цяжкай хваробы 4 чэрвеня 2013 году. Пасьля ягонай сьмерці ў сьвет выйшла кніга «Жывая мова», над якой ён працаваў апошнія месяцы жыцьця.
Юрась Бушлякоў нарадзіўся ў 1973 годзе ў Менску.
Скончыўшы менскую сярэднюю школу, Юрась паступіў на філялягічны факультэт Беларускага дзяржаўнага ўнівэрсытэту, які скончыў з чырвоным дыплёмам.
У 2003 годзе ён абараніў дысэртацыю на тэму «Моватворчая практыка Янкі Станкевіча (з гісторыі нармалізацыі беларускай мовы)». Выкладаў у БДУ, у Нацыянальным гуманітарным ліцэі ў Менску, у Карлавым унівэрсытэце (Прага).
Журналістыкай Юрась займаўся ад 1994 году, працаваў у незалежных СМІ, на Радыё Рацыя, апошнія дзесяць год — на Радыё Свабода.
Засталіся бацькі і сын.
