Лінкі ўнівэрсальнага доступу

Украінскі сьцяг над Масквой (Фота, відэа)


На шпілі самай вядомай высоткі Масквы невядомыя вывесілі сьцяг Украіны. Зорку над будынкам на палову перафарбавалі ў сіні колер.

Акцыя салідарнасьці ў падтрымку Ўкраіны адбылася на вярхушцы аднаго з самых высокіх гмахаў у Маскве — сталінскай высотцы на Кацельніцкай набярэжнай.

Расейскі прапагандысцкі тэлеканал Lifenews з гэтай нагоды напісаў на сваім сайце:

«На сталінскім гмаху ў Маскве вандалы вывесілі сьцяг Украіны. Таксама зламысьнікі пафарбавалі ў сіня-жоўты колер зорку, усталяваную на знакамітым доме на Кацельніцкай набярэжнай».

«Інтэрфакс» паведаміў са спасылкай на крыніцу ў праваахоўных органах Масквы, у што ў пастарунак «Таганскі» дастаўленыя некалькі маладых людзей з альпінісцкім рыштункам, якія могуць быць датычнымі да зьяўленьня ўкраінскага сьцяга на вышынным будынку.

«Паводле папярэдняй інфармацыі, невядомыя праніклі па ўнутраных лесьвіцах будынка да апошняга паверха, а затым з дапамогай адмысловай падрыхтоўкі замацавалі палотнішча на шпілі гмаху», — сказаў суразмоўца агенцтва.

Іншая крыніца «Інтэрфакса» ў экстраных службах сталіцы паведаміў, што невядомыя пасьпелі пафарбаваць палову зоркі, якая вянчае шпіль гмаху, у блакітны колер.

«Відавочна, зорка павінна была быць перафарбаваны ў колеры ўкраінскага сьцяга, але невядомыя не пасьпелі гэта зрабіць», — сказаў суразмоўца агенцтва.

Ён дадаў, што, па папярэдняй інфармацыі, усе дастаўленыя ў АУС «Таганскі» — жыхары Масквы і Маскоўскай вобласьці.

Каля 9 раніцы некалькі верхалазаў маскоўскіх службаў пачалі здымаць сьцяг.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG