Лінкі ўнівэрсальнага доступу

Мікалай Статкевіч: пачасьціліся дробныя правакацыі


Мікалай Стактевіч
Мікалай Стактевіч

Былы кандыдат на прэзыдэнта Мікалай Статкевіч падчас тэлефоннай размовы з жонкай паведаміў пра новыя дробныя правакацыі супроць яго ў магілёўскай турме.

Марына Адамовіч: «Кажа, што рэальна нешта адбываецца: нейкая мітусьня, дробныя правакацыі пачасьціліся, газэты прыносяць, толькі калі тры разы нагадаеш, а некаторыя не даносяць зусім, лісты блякуюць. Плюс дружна сталі праводзіць зь ім розныя выхаваўчыя гутаркі. Ня ведаю, з чым ён гэта зьвязвае, але ад сябе скажу, што такая рэакцыя звычайна супадае з прыкметамі перамоваў уладаў з прадстаўнікамі Эўропы».

Таксама Мікалай Статкевіч падзяліўся навіной пра турэмнае харчаваньне, перадае Марына Адамовіч.

«Першы раз за апошнія 4 ці колькі месяцаў раптам далі бігас. У іх лета заўсёды галоднае, нічога з вітамінаў не бывае, а тут раптам далі бігас. Для яго гэтак неяк паказальна».

Капуста, як мяркуе Мікалай Статкевіч, зь мінулага ўраджаю, і таму якасьць бігасу была ня лепшай. Увогуле ў магілёўскай турме, дзе сядзіць Мікалай Статкевіч, вязьні трывала адчуваюць недахоп вітамінаў.

А як Статкевіч перажывае цяперашнюю сьпякоту? Паводле Марыны Адамовіч, на сьпякоту ў камэры ён пакуль ня скардзіўся: «Ягоная камэра знаходзіцца пад дахам і збольшага там сапраўды сьпякотна. Але, магчыма таму, што камэра з паўночнага боку турмы, то яшчэ можна трываць. Горш тым, каму сонца ўвесь дзень сьвеціць у вакно. Але ўсё роўна цяжка».

Былога кандыдата на прэзыдэнта Мікалая Статкевіча асудзілі на 6 гадоў зьняволеньня нібыта за арганізацыю масавых беспарадкаў у дзень прэзыдэнцкіх выбараў 19 сьнежня 2010 году. Статкевіч сваёй віны не прызнаў. Палітык тлумачыць перасьлед помстай за крытыку на адрас Лукашэнкі.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG