У Менску вызначылі «Чэмпіёнаў грамадзянскай супольнасьці»

У намінацыі «Кампанія году» прэмію атрымала кампанія «Зробім лепш! 2013», кааардынатар праекту — Анастасія Александровіч.

У намінацыі «Новая ініцыятыва» перамаглі курсы «Мова ці кава», аўтар праекту — Кацярына Кібальчыч.

У намінацыі «Рэгіянальная падзея» найлепшым прызнаны «Народны бунт супраць ліквідацыі хатніх сьвіней», прэмію атрымала Кацярына Музыкантава.

У намінацыі «Месца году» пераможцам стала пляцоўка «ЦЭХ».

У намінацыі «Крэатыў году» вызначаны два пераможцы: «PRацоўня сацыяльнай рэклямы» (аўтар праекту — Юлія Рымашэўская, узнагароду за яе атрымлівала Аліна Курленка) і «Ўсталяваньне прыватнага помніка паўстанцам Каліноўскага». (фундатар — Мікіта Забуда, узнагароду за яго атрымліваў Мікалай Уласевіч).

У намінацыі «СМІ году» прэмію далі інтэрнэт-тэлебачаньню TUT.BY.

Званьнем «Лапаць году» адзначаны штраф арганізатарам велапрабегу «Стылягі на роварах».

У намінацыі «Грамадзкі лідэр году» прэмію атрымаў Сяргей Міхалок (гурт «Ляпіс Трубяцкі»).

У намінацыі «Найлепшы сайт НДА» прэмію атрымаў сайт spring96.

Радыё Свабода прысутнічала ў шорт-лісьце намінацыі «СМІ году» за цыкль рэпартажаў «Сталкеры Свабоды» пра грамадзкіх і культурных актывістаў Беларусі.