На расейскай мове пра новы статус гораду інфармуе і рэклямная застаўка на сьвятлодыёдным экране, што ля Магілёўскага гарвыканкаму.
У аддзеле культуры гарадзкой выканаўчай улады прызналі, што першая рэклямная прадукцыя пра тое, што Магілёў — культурная сталіца Беларусі і СНД, выдадзеная па-расейску. Але, паабяцала супрацоўніца аддзелу, далей рэкляма будзе зьяўляцца і беларускамоўная.
У Магілёве інфармацыйныя абвесткі і вонкавая рэкляма амаль пра ўсе значныя культурныя падзеі гораду звыкла падаюцца на расейскай мове. Чыноўнікі тлумачаць гэта тым, што ў Беларусі паводле Канстытуцыі дзьве дзяржаўныя мовы і што большая частка турыстаў прыяжджае з Расеі.
Сэртыфікат «Магілёў — культурная сталіца краін СНД і Рэспублікі Беларусь» 26 студзеня быў уручаны кіраўніку выканаўчай улады гораду Станіславу Барадаўку на ўрачыстым паседжаньні, прымеркаваным да 75-годзьдзя Магілёўскай вобласьці. Магілёўскія ўлады цягам 2013 году плянуюць правесьці звыш 3000 культурных мерапрыемстваў.
Дагэтуль культурнай сталіцай Беларусі абвяшчалі Полацак (2010), Гомель (2011), Нясьвіж (2012).
Культурныя сталіцы СНД пачалі абіраць з 2011 году.
Першай такой сталіцай сталі Гомель і Ўльянаўск. Лягатыпы для гэтых гарадоў былі зробленыя на расейкай мове.
У 2012 годзе статус культурных сталіцаў атрымалі Мары ў Туркмэністане і Астана ў Казахстане. Толькі лягатып Астаны як культурнай сталіцы СНД быў выкананы на дзяржаўнай мове — казахскай.
У аддзеле культуры гарадзкой выканаўчай улады прызналі, што першая рэклямная прадукцыя пра тое, што Магілёў — культурная сталіца Беларусі і СНД, выдадзеная па-расейску. Але, паабяцала супрацоўніца аддзелу, далей рэкляма будзе зьяўляцца і беларускамоўная.
У Магілёве інфармацыйныя абвесткі і вонкавая рэкляма амаль пра ўсе значныя культурныя падзеі гораду звыкла падаюцца на расейскай мове. Чыноўнікі тлумачаць гэта тым, што ў Беларусі паводле Канстытуцыі дзьве дзяржаўныя мовы і што большая частка турыстаў прыяжджае з Расеі.
Сэртыфікат «Магілёў — культурная сталіца краін СНД і Рэспублікі Беларусь» 26 студзеня быў уручаны кіраўніку выканаўчай улады гораду Станіславу Барадаўку на ўрачыстым паседжаньні, прымеркаваным да 75-годзьдзя Магілёўскай вобласьці. Магілёўскія ўлады цягам 2013 году плянуюць правесьці звыш 3000 культурных мерапрыемстваў.
Дагэтуль культурнай сталіцай Беларусі абвяшчалі Полацак (2010), Гомель (2011), Нясьвіж (2012).
Культурныя сталіцы СНД пачалі абіраць з 2011 году.
Першай такой сталіцай сталі Гомель і Ўльянаўск. Лягатыпы для гэтых гарадоў былі зробленыя на расейкай мове.
У 2012 годзе статус культурных сталіцаў атрымалі Мары ў Туркмэністане і Астана ў Казахстане. Толькі лягатып Астаны як культурнай сталіцы СНД быў выкананы на дзяржаўнай мове — казахскай.