«Званок быў вельмі кароткім, прычым было чуваць, што побач з сынам нехта прысутнічае, бо ўвесь час яго папраўлялі ці спынялі. Сказаў, што падаў заяву на спатканьне 16 лістапада, але яна яшчэ не падпісаная. Патлумачыў, чаму гэтак доўга не было лістоў — што пісаць асабліва няма пра што, а тое, што хочацца напісаць, не прапусьцяць. Я зразумела гэтак, што не пісаць лісты на такіх ўмовах — ягоная форма пратэсту. Раней ён паведамляў пра ціск на яго, каб падаў прашэньне аб памілаваньні. Супрацоўнік адміністрацыі нават казаў адвакату, што калі б ён падаў такое прашэньне, даўно б вызваліўся. А зараз Эдуард гэтую тэму ўвогуле абмінае. Лічу, што казаць пра гэта яму забаронены. Увогуле там робяць усё, каб ніякай інфармацыі пра падзеі ў калёніі не выходзіла. Гэта можна меркаваць і па тым, як кантралююць сустрэчы з удзелам адваката. Раней падчас такіх сустрэч супрацоўнік адміністрацыі сядзеў непадалёк у пакоі, але не перашкаджаў. Зараз сядае літаральна побач і кантралюе кожнае слова», — распавяла Марына Лобава.
Маладафронтавец Эдуард Лобаў быў асуджаны на 4 гады паводле абвінавачаньня ў зьбіцьці мінакоў. Інцыдэнт здарыўся за дзень да прэзыдэнцкіх выбараў. Актывісты назвалі яго правакацыяй спэцслужбаў з мэтай ізаляваць іх напярэдадні важных палітычных падзей.
Эдуард Лобаў адбывае пакараньне ў Івацэвіцкай калёніі, мае ўжо 7 спагнаньняў.
Маладафронтавец Эдуард Лобаў быў асуджаны на 4 гады паводле абвінавачаньня ў зьбіцьці мінакоў. Інцыдэнт здарыўся за дзень да прэзыдэнцкіх выбараў. Актывісты назвалі яго правакацыяй спэцслужбаў з мэтай ізаляваць іх напярэдадні важных палітычных падзей.
Эдуард Лобаў адбывае пакараньне ў Івацэвіцкай калёніі, мае ўжо 7 спагнаньняў.
