Лінкі ўнівэрсальнага доступу

Ужо сёньня, 23 траўня


Насьценны каляндар да 130-годзьдзя Якуба Коласа
Насьценны каляндар да 130-годзьдзя Якуба Коласа

Бліц-агляд падзеяў і тэмаў у Беларусі, сьвеце, гісторыі.

НАДВОР'Е

У Беларусі будзе сонечна, да 27 градусаў цяпла.

У ГЭТЫ ДЗЕНЬ У БЕЛАРУСІ І СЬВЕЦЕ

У офісе партыі БНФ (Менск, Чарнышэўскага, 3) – круглы стол, прысьвечаны палітычным вязьням. Пачатак а 12-ай.

Там жа ўвечары – творчая сустрэча са Зьмітром Вайцюшкевічам. Пачатак а 19-ай.

«Ноч у кнігарні». У менскай кнігарні логвінаЎ (Незалежнасьці 37а), у нязмушанай атмасфэры: з коўдрамі, гарбатай і паўлежачы сустрэнуць золак дня славянскай пісьмовасьці. Адам Глёбус прачытае новую сэрыю казак, а Ігар Бабкоў прадставіць перавыданьне свайго рамана. Пачатак а 23 ночы. Уваход вольны.

У Багдадзе – перамовы сталых чальцоў Рады бясьпекі ААН і Нямеччыны з Іранам у справе іранскай ядзернай праграмы.

НЕ ПРАПУСЬЦІЦЕ

У вечаровым эфіры – перадача Яна Максімюка «Званочкі», «Паштовая скрынка 111» – агляд лістоў слухачоў на Свабоду, адрыхтаваны Валянцінам Жданко. А таксама - «падарожжы Свабоды». Віталь Сямашка распавядае пра пасёлак Бальшавік, што пад Менскам.

ГЭТЫ ДЗЕНЬ У ГІСТОРЫІ

1618 – пратэстанцкае дваранства Прагі захапіла ўладу і выкінула каталіцкіх прадстаўнікоў у акно праскай гарадзкой залі.

1761 – Шчучын атрымаў герб.

У гэты дзень нарадзіліся:

1707 – Карл Лінэй, швэдзкі прыродазнаўца.

1959 – Аляксандар Смалянчук, беларускі гісторык.

У гэты дзень памерлі:

1173 – Эўфрасіня Полацкая, княжна, беларуская сьвятая.

1753 – Францішка Ўршуля Радзівіл, пісьменьніца, асьветніца і драматург Рэчы Паспалітай.

1946 – Кастусь Езавітаў, беларускі палітычны, грамадзкі і вайсковы дзяяч, адзін з удзельнікаў абвяшчэньня Беларускай Народнай Рэспублікі, народны сакратар вайсковых справаў (міністар абароны) БНР.

1980 – Ларыса Александроўская, беларуская опэрная сьпявачка і рэжысэрка.

1996 – Уладзімер Карват, беларускі вайсковы лётчык першай клясы, падпалкоўнік, начальнік паветранай базы ў горадзе Баранавічы. Загінуў пад час выкананьня вучэбнага палёту. Адвёў самалёт ад вёскі Арабаўшчына. Першы, хто ўганараваны званьнем Герой Беларусі.

ЦЫТАТА НА ПАМЯЦЬ

Хто саромеецца роднай мовы, варты таго, каб і яго добрыя людзі саромеліся.
Вацлаў Ластоўскі

ГОД ТАМУ Ў ЗАГАЛОЎКАХ НА САЙЦЕ СВАБОДЫ

Кіраўніку Радыё Рацыя анулявалі беларускую візу

Вульканічныя выкіды набліжаюцца да Вялікай Брытаніі і Ірляндыі

Някляеў: «Расея будзе шукаць партнэра сярод беларускай намэнклятуры»
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG