На прыёме 10 траўня з нагоды Дня Канстытуцыі пасол Польшчы ў Беларусі Лешак Шарэпка выступіў з прамовай, у якой нагадаў пра некаторыя вострыя моманты беларуска-польскіх дачыненьняў.
Лешак Шарэпка, у прыватнасьці, заявіў:
«Урачыстае сьвяткаваньне Дня Перамогі выклікала ў мяне сумныя думкі. Мала хто ведае, што пад канец Другой усясьветнай вайны на ўсіх франтах змагалася больш за 600 тысяч польскіх салдат. Пасьля вайны частка зь іх дзеля палітычных прычын не магла вярнуцца на радзіму. Існуе польская „армія ценяў“, так званая катынская армія, да яе належыць больш за 20 тысяч афіцэраў, забітых у 1940 годзе па загадзе Сталіна. Яны пахаваныя на асобных могілках у Расеі і на Ўкраіне. І толькі на Беларусі няма ніводнага памятнага знаку, хоць мы мяркуем, што каля 4 тысяч афіцэраў, у тым ліку беларусаў па нацыянальнасьці, было забіта на гэтай зямлі».
Пасол Польшчы таксама нагадаў, што ў мінулым годзе польскі бок выдаў беларусам больш за 300 тысяч візаў і што Варшава выступае за запуск малога прыгранічнага руху і лібэралізацыю Эўразьвязам візавай палітыкі для беларусаў.
Беларускі бок ужо працяглы час стрымлівае рэалізацыю пагадненьняў аб малым прыгранічным руху з Польшчай.
Лешак Шарэпка, у прыватнасьці, заявіў:
«Урачыстае сьвяткаваньне Дня Перамогі выклікала ў мяне сумныя думкі. Мала хто ведае, што пад канец Другой усясьветнай вайны на ўсіх франтах змагалася больш за 600 тысяч польскіх салдат. Пасьля вайны частка зь іх дзеля палітычных прычын не магла вярнуцца на радзіму. Існуе польская „армія ценяў“, так званая катынская армія, да яе належыць больш за 20 тысяч афіцэраў, забітых у 1940 годзе па загадзе Сталіна. Яны пахаваныя на асобных могілках у Расеі і на Ўкраіне. І толькі на Беларусі няма ніводнага памятнага знаку, хоць мы мяркуем, што каля 4 тысяч афіцэраў, у тым ліку беларусаў па нацыянальнасьці, было забіта на гэтай зямлі».
Пасол Польшчы таксама нагадаў, што ў мінулым годзе польскі бок выдаў беларусам больш за 300 тысяч візаў і што Варшава выступае за запуск малога прыгранічнага руху і лібэралізацыю Эўразьвязам візавай палітыкі для беларусаў.
Беларускі бок ужо працяглы час стрымлівае рэалізацыю пагадненьняў аб малым прыгранічным руху з Польшчай.
