субота, 19 красавіка 2014, Менск 22:34

УСЕ НАВІНЫ / Культура

10 траўня — прэзэнтацыя кнігі Сяргея Шапрана «Тры мяхі дзядзькі Рыгора»

Прэзэнтацыя кнігі Сяргея Шапрана «Тры мяхі дзядзькі Рыгора, альбо Сам-насам з Барадуліным» адбудзецца ў кнігарні «логвінаЎ» (праспэкт Незалежнасьці, 37а).

Сяргей ШапранСяргей Шапран
x
Сяргей Шапран
Сяргей Шапран
ПАМЕР ШРЫФТУ - +
Сэрыя гутарак з Барадуліным выходзіць у кнігарні «Наша ніва».

«Першая гутарка менавіта для гэтай кнігі датуецца кастрычнікам 2008 году (хоць у яе ўвайшлі і ранейшыя нашы гутаркі з Барадуліным — пачынаючы ад 1999 году), гаварылі мы пяць гадзін запар. Аднак у далейшым сустрэчы адбываліся зрэдчас і былі не такія працяглыя, перш за ўсё з-за стану здароўя Рыгора Іванавіча. Мабыць, яшчэ і таму, што сам ён ня надта верыў, што нешта з такой задумы можа атрымацца. Пакуль летам 2010 году не прачытаў чарнавыя накіды да кнігі. Ухваліўшы зробленае, Барадулін згадзіўся на працяг размоў, якія ў кастрычніку-сьнежні адбываліся ўжо рэгулярна. Так і сабралася гэтая кніга — па сутнасьці, адна вялікая гутарка пра мінулае, сёньняшні час і будучыню. Гутарка даўжынёю ў адзінаццаць гадоў», — сказаў «Нашай ніве» Сяргей Шапран.

У імпрэзе будуць удзельнічаць літаратары:

  • Генадзь Бураўкін
  • Уладзімер Някляеў
  • Міхась Скобла

Пазьней на сайце «Свабоды» — відэа з прэзэнтацыі

Рыгор Барадулін — народны паэт Беларусі, намінант на Нобэлеўскую прэмію ў галіне літаратуры, аўтар амаль сотні кніг вершаў, перакладаў, прозы, ляўрэат Дзяржаўнай прэміі імя Янкі Купалы, кавалер ордэнаў Дружбы народаў, Трох Зорак (Латвія) і мэдаля Францыска Скарыны, ганаровы доктар БДУ, ганаровы грамадзянін Ушацкага раёну.
Гэтая дыскусія закрытая.
Камэнтары
     
Камэнтароў няма. Дадайце свой і будзьце першыя.
Відэа