чацьвер, 24 красавіка 2014, Менск 03:42

УСЕ НАВІНЫ / Палітыка

Вус просіць Пуціна дапамагчы вызваліць беларускіх палітвязьняў

Экс-кандыдат у прэзыдэнты Беларусі Дзьмітры Вус зьвярнуўся з адкрытым лістом да прэзыдэнта Расеі Ўладзімера Пуціна.

Дзьмітрый ВусДзьмітрый Вус
x
Дзьмітрый Вус
Дзьмітрый Вус
ПАМЕР ШРЫФТУ - +
У лісьце Дзьмітрый Вус павіншаваў Уладзімера Пуціна з абраньнем і выкалаў сваё бачаньне сытуацыі ў Беларусі:

«У Беларусі 18 гадоў кіруе аўтарытарны рэжым сям’і Лукашэнкі А. Р. З усясьветнай гісторыі вядома, што аўтарытарныя рэжымы ніколі ні з кім не інтэграваліся. [...] Клан Лукашэнкі А. Р. рыхтуецца да чарговага падману кіраўніцтва Расеі, каб зноў і зноў неабмежавана браць рэсурсы і крэдыты.

Лукашэнка А. Р. увесь час правакуе шматлікія канфлікты (дыпляматычныя, газавыя, нафтавыя, малочныя, авія і г. д.) і ў трэці раз можа сарваць рэальны працэс інтэграцыі нашых краінаў.

За 18 гадоў эканамічная мадэль Беларусі ня склалася. Сёньня на 100% эканоміка нашай краіны залежыць ад Расеі. Сацыяльна-арыентаваная мадэль Беларусі і зьмест шматлікіх сілавых структураў поўнасьцю залежаць ад таннай расейскай вуглевадароднай сыравіны і расейскага рынку.

Беларускі бюджэт у асноўным фармуецца за кошт продажу нафтапрадуктаў, калійных угнаеньняў, перапродажу газу, мытных плацяжоў і кантрабанды.»

Далей ў лісьце былы кандыдат у прэзыдэнты расказвае Ўладзімеру Пуціну пра «кантрабандныя схемы»:

«У краіны Балтыі зь Беларусі пастаўляюцца мільёны тон нафтапрадуктаў (бэнзін, дызэльнае паліва, мазут). Празь беларускую мытню яны ідуць як растваральнікі. Увесь усясьветны рынак растваральнікаў да зьяўленьня на ім Беларусі складаў 1,5 мільёна тон за год. А Беларусь за 2011 год вырабіла больш за 2 мільёны тон, зь якіх 1,5 мільёна тон экпартавала ў Латвію. Толькі ў Латвіі афіцыйная статыстыка прыводзіць іншыя лічбы — ніякага росту імпарту зь Беларусі ня было. [...] Атрымліваецца, што беларускія растваральнікі падчас перасячэньня мяжы пераўтвараюцца ізноў у нафтапрадукты і з Балтыйскіх портаў накіроўваюцца ў Нідэрлянды й Вялікабрытанію. Такая ж сытуацыя і з мазутай — Нямеччына і Францыя паставілі на экспарт столькі ж, колькі і ўся Беларусь».

Дзьмітрый Вус сьцьвярджае, што «шкода, нанесеная расейскаму бюджэту за вываз зь Беларусі ў Латвію і Літву бэнзіну, мазуты і дызэльнага паліва, ад якога ня сплачаны экспартныя мыты, склала каля 1 мільярда даляраў».

Яшчэ былы кандыдат у прэзыдэнты даводзіць, што «за 18 гадоў многія заводы не мадэрнізаваліся і пераўтварыліся ў неканкурэнтаздольныя, тэхналягічна адсталыя вытворчасьці. Сёньня бачны сумны вынік праўленьня клану Лукашэнкі — каля 1 млн 300 тысяч грамадзянаў краіны працуюць у Расеі».

Прыканцы свайго звароту да Пуціна Дзьмітрый Вус хадайнічае за вызваленьне беларускіх палітвязьняў:

«У Лукашэнкі да гэтага часу знаходзіцца ў турме ў закладніках самы галоўны супернік, які атрымаў 6 гадоў калёніі строгага рэжыму, — Мікалай Статкевіч — і іншыя палітвязьні. Мікалай Статкевіч — афіцэр, інтэлігентны, разумны, адважны і мужны чалавек, сапраўдны патрыёт Беларусі.

Вельмі прашу Вас дапамагчы ў вызваленьні і поўнай рэабілітацыі Мікалая Статкевіча і іншых палітвязьняў».
Гэтая дыскусія закрытая.
Сартаваць камэнтары
Камэнтары
     
Імя:: Ананім
07.05.2012 22:30

Вус просіць Пуціна дапамагчы вызваліць беларускіх палітвязьняў
---------------------------
А чаму Вус не зьвярнуўся да Асада?

Імя:: Стары Горад:: Магілеў
07.05.2012 23:27
Здагадаўся Вус каму пісаць. Яшчэ б Кім Чэн Ыну напісаў. Тады дакладна поспех будзе.
Адказаць

Імя:: "ПраЎда"
08.05.2012 09:18
Здагадаўся:) Яму падказалі, а, дакладней, прыказалі.

Імя:: ladzia
08.05.2012 00:56
тут вус актыўна ня мае рацыі і гранічна аслабляе свае пазыцыі. далей не змагу яму верыць.

ці прыстойна нешта прасіць у куклавода?
вус спадзяецца на экспарт дэмакратыі з масквы?
дэлітанцтва ці сьвядомая гульня на баку пуціна.

Імя:: никто
08.05.2012 06:50
Наивный человек!
Адказаць

Імя:: Бенедзікт
08.05.2012 10:40

Не той узрост каб быць наіўным. "Наіўныя" цягнулі на "выбары" 2010.
Зараз "наіўны" запрашае зьвяртацца да незаконнай улады з прапановай .... дэмакратызаваць выбарчае заканадаўства.
Іншыя "наіўныя" прапануюць байкатаваць "выбары" ... высоўваючы сваіх кандыдатаў на "выбары"...

Такія вось "наіўныя".


Імя:: Беранд.
08.05.2012 11:16
Вус піша Пуціну : "... Сёньня на 100% эканоміка нашай краіны залежыць ад Расеі." Так Пуцін гэта заўсёды і рабіў, каб так адбылося, гэта яго мэта была і ёсьць.
Дык навошта аб гэтым напамінаць яму ? Каб Пуцін лішні раз
узрадаваўся сваімі "дасягненьнямі" ? А мо наадварот, каб ён праслязіўся ад нашага цяжкага становішча ?
І наконт палітвязняў : навошта прасіць у таго, хто заўсёды паслядоўна пляваў і на палітвязняў, і наогул на нашу будучыню ? Можа вы, сп.Вус, патлумачыце вашу пазіцыю і абгрунтуеце сэнс вашага пасланьня нам усім ? Бо гэта падобна больш на здзек, а не на добрую справу.

Імя:: ladzia
09.05.2012 18:25
выйдзе на волю статкевіч, за такія сьпічы вусу вушы надзярэ.

Імя:: Jazep Горад:: Mensk
09.05.2012 18:57
Шчыра кажучы - расчараваны. Рэалізм, але без патрыятызму... Спадзяюся гэта не "прашэньне" аб ярлыку на княжэньне ў нашам улусе.
Відэа