чацьвер, 23 траўня 2013, Менск 16:16

Радыё / Расклад

УСЕ НАВІНЫ / Культура

Вольскі: Лепей сьмяяцца і кпіць, чымся пасыпаць галаву попелам

Іншыя артыкулы на гэтую тэму

ПАМЕР ШРЫФТУ - +

Радыё Свабода

07.05.2012 16:02

9 траўня ў Празе ў клюбе «MATRIX» на Жыжкаве адбыўся канцэрт гурту «Крамбамбуля» поўным складам. Музыкі прэзэнтавалі новую праграму «DRABADZI-DRABADA».

Лідэр «Крамабамбулі» Лявон Вольскі адказаў на пытаньні наведнікаў нашага сайту. Пытаньні і адказы -- у камэнтарах да гэтага артыкулу.

Чытайце таксама

Палац Валовічаў у Сьвяцку разбураецца

Прычым такімі тэмпамі, што ў некаторых месцах ад мэтровае таўшчыні сьцяны неўзабаве амаль нічога не застанецца. >>>

Афіцыйны сайт фэстывалю http://www.festroia.pt

«Жыве Беларусь!» прэтэндуе на «Залатога дэльфіна»

22 траўня арганізатары XXIX міжнароднага кінафэстывалю ў горадзе Сэтубал (Партугалія) прэзэнтавалі афіцыйную праграму конкурснай часткі. Сярод 14 канкурсантаў – фільм «Жыве Беларусь!». >>>

Выстава літоўскага графіка Стасіса Красаўскаса ў Менску

У рамках Дзён культуры Літвы ў Беларусі ў Нацыянальным мастацкім музэі ў Менску пачала працу выстава літоўскага графіка Стасіса Красаўскаса. >>>

Гэтая дыскусія закрытая.

Сартаваць камэнтары

Камэнтары. Старонка з 2

Наступная старонка

Імя:: Сяргей Горад:: Узда

07.05.2012 18:03

Як вы лiчыце, цi не прыйшоў ужо час адмянiць загад пра 75% беларускай музыкi на FM-станцыях? Цi быў ад гэтага хоць нейкi плён для бел. музыкi i слухачоў?

Адказаць

Імя:: lavon Горад:: Miensk

09.05.2012 15:09

Відаць, быу нейкі плён для прадстаўнікоў афіцыйнае эстрады і для тых, хто "ў фармаце", то бок ня грае рок-музыку. Зрэшты, калісьці "Абсэнт" і "Госьці" штодзённа круціліся па розных фм-каналах. Але пасьля зьяўленьня сьпісаў забароненых і непажаданых выканаўцаў гэтыя адсоткі ператварыліся ў абсурд: трэба круціць айчынную музыку, але вось пералік (і досыць вялікі) тых айчынных, каго круціць ня варта. Карацей, хацелі як лепей, а атрымалася зусім немаведама што.

Імя:: Кастусь Горад:: Ашмяны

07.05.2012 18:07

На вашую думку, сярод, скажам так, праўладных выканаўцаў якi працэнт "iдэйных", а якi - тых, хто пяе за грошы?

Адказаць

Імя:: Лявон Горад:: Менск

09.05.2012 15:15

"Ідэйныя" - гэта тыя, хто наўпрост атрымлівае грошы, то бок, рознага кшталту кіраўнікі. А звычайныя эстрадныя выканаўцы, мне падаецца, безыдэйныя, проста працуюць за тыя грошы, што ім даюць кіраўнікі. І яны зазвычай сваім жыцьцём незадаволеныя і ў кулюарах наракаюць і скардзяцца. Але так пасіўна, як на кухні.

Імя:: Аматарка

07.05.2012 18:40

Лявон. раскажыце як ствараецца гэты цуд, гэты штотыднёвы шэдэўр -- Саўка ды Грышка? ДЗе вы бярэце ўсе гэтыя пэрлы, якімі гаворыць Грышка? У вас ёсьць такія знаёмыя ці сваякі? І ці можна вам замовіць тэму песьні, каб дуэт як выканаў?

Адказаць

Імя:: Лявон Горад:: Менск

09.05.2012 15:19

Як ствараецца, я не магу растлумачыць. Пішацца і запісваецца. У грышкавым стылі размаўляе вялікі адсотак жыхароў краіны, і я за сваё жыцьцё наслухаўся багата прадстаўнікоў гэтага слою насельніцтва. Замовіць тэму нельга, а прапанаваць - можна)).

Імя:: DI

07.05.2012 21:07

Як у Вас атрымлiваецца заставацца аптымiстам?

Адказаць

Імя:: Лявон Горад:: Менск

09.05.2012 15:36

Не заўсёды і атрымліваецца. Але трэба ж верыць у лепшае і ня падаць духам. Мне дапамагае іронія, чаго й Вам жадаю. Лепей сьмяяцца і кпіць, чымся пастаянна пасыпаць галаву попелам. Хаця гэта можа быць карысна для валасоў. З гэтай мэтаю можна й пасЫпаць.

Імя:: Вольга Горад:: Менск

08.05.2012 09:23

Як пракаментуеце тое, што Вам не даюць спяваць на радзіме? Ваша стаўленьне да палітыка Зянона Пазьняка? Што пажадаеце беларусам у сувязі з сучаснымі абставінамі ў краіне?

Адказаць

Імя:: Лявон Горад:: Менск

09.05.2012 15:44

Не даюць. З аднаго боку, гэта страшна неразумны захад зь іхнага боку. Зь іншага боку, тут і цяпер так і мусіць быць. Невінаватыя людзі сядзяць у вязьніцы, больш за тры (ці два) не зьбірацца, палітыкам - нявыезд, забароненыя музыкі... Здаецца, усё згарманізавана.
Зянон Пазьняк - знакавая асоба ў пэўны гістарычны пэрыяд.

Імя:: Кацярына

08.05.2012 09:41

Спадар Вольскі, адкажыце калі ласка, дзе-небудзь яшчэ ёсць магчымасць набыць Вашу кнігу "Міларусь"?

Адказаць

Імя:: Лявон Горад:: Менск

09.05.2012 15:48

Наклад прададзены. Неўзабаве зьявіцца інтэрнэт-вэрсія кнігі. Трошкі пачакайце.

Імя:: Максiм Горад:: Менск

08.05.2012 10:44

Дзякуй, спадар Лявон, за цудоуны канцэрт у Вiльнi i за магчымасць пабачыць Еуропу. Нязгаснага Вам натхнення! Вы патрэбны беларусам.

Адказаць

Імя:: Лявон Горад:: Менск

09.05.2012 15:54

Дзякуй Вам за тое, што гераічна дабраліся да нашага канцэрту празь перапоўненую мяжу, адстаяўшы страшэнныя чэргі (адзін мой знаёмы стаяў 14 гадзінаў). Вы найлепшая публіка!

Імя:: Сяргей Горад:: Віцебск

08.05.2012 13:39

Якія цікавыя вы параілі б прачытаць?

Адказаць

Імя:: Лявон

10.05.2012 14:57

Ёсьць інтэрнэт, там вельмі шмат рэцэнзій на розныя кнігі - ад бэстсэлераў кшталту Куэлью да таксама бэстсэлераў кшталту Умбэрта Эка. Мне цяжка сярод гэтых тысячаў імёнаў нешта раіць. Пачытайце Арлова, Глёбуса, вельмі шмат ёсьць беларускіх таленавітых літаратараў.

Імя:: Аляксандр Горад:: Пiнск

08.05.2012 15:27

Лявон, што робiце, калi нахлыне хваля дэпрэсii? цi часта з вамi такое адбываецца? што вас турбоцiць больш усяго?

Адказаць

Імя:: Лявон Горад:: Менск

09.05.2012 16:11

У нашым грамадзтве шмат ад чаго можна схапіць прыпадак тугі. Ад хамства, абсурду, узьведзенага ў правілы гульні, цынізму, хлусьні, нібыта, неабходнай для існаваньня дый безьліч чаго яшчэ. Мне падаецца, з гэтага ўсяго варта сьмяяцца. Так здаравей. Яшчэ варта паболей вандраваць. І дзякаваць Жыцьцю за тое, што ты жывы і здаровы, здольны, і наперадзе ў цябе шмат зьдзяйсьненьняў ды бліскучых запамінальных дзён.

Імя:: Marit Горад:: G.

08.05.2012 15:57

Дык чaмy мы ў Biльнi крaмбaмбyлi нe aтрымaлi, a?...

„Kрaмбaмбyля” – гэтa шaлёны гyрт. Hiкaмy нe рaю… Kaлi Bы пaмяркoўныя i cпaкoйныя людзi…
Я былa прocтa ў зaxaплeннi. Bялiкaя энэргiя, быццaм бы яны рaзбiлi aтaм. Дзякyй, Лявoн!

Адказаць

Імя:: Лявон

09.05.2012 16:26

Бяз вас, такіх эмацыйных і жывых, у нас бы нічога не атрымалася. Таму дзякуй вам ад імя ўсяе "Крамбамбулі"!

Імя:: Віталь Горад:: Полацак

08.05.2012 17:01

Лявон, вы забаронены як музыка, а як літаратар, так сама?
Чаму Вы са сваю кнігу не прэзентуеце у гарадах? Напрыклад у Полацку ці Наваполацку!!!

Адказаць

Імя:: Лявон

10.05.2012 10:10

Ведаеце, сам я піярам кнігі не займаюся. А прапановаў прэзэнтацыі ў Полацку ці Наваполацку не было. А цяпер ужо й позна, бо наклад прададзены. І цяпер ужо будзем, відаць рабіць усеагульную інтэрнэт-прэзэнтацыю.

Імя:: Мрусов Горад:: Минск

08.05.2012 17:06

Большое спасибо за Ваше творчество и смелость!! Я глубоко убежден, что у этой страны и этого народа нет никакого светлого будущего. Можете( и хотите ли) меня переубедить??

Адказаць

Імя:: Лявон

10.05.2012 10:01

Я перакананы ў адваротным. Гэта выдатны народ. І нельга яго вінаваціць у тым, што ён зрабіуся ахвярай экспэрымэнтаў розных уладаў.

Імя:: Алёна Горад:: Санкт-Пецярбург

08.05.2012 18:16

Спадар Лявон, на адным з віленскіх канцэртаў Вы сказалі, што зараз робіце новы музычны праект. Распавядзіце, калі ласка, пра яго падрабязьней. Як хутка яго можна будзе пачуць? Ці плянуецца новы альбом, канцэрты? Дзякую за адказ.

Адказаць

Імя:: Лявон

10.05.2012 10:14

Гэта я пагарачыўся. Пакуль пра нешта канкрэтнае казаць рана.

Імя:: Алесь Горад:: Менск

08.05.2012 19:06

Лявон, дзякуй вам вялікі за творчасць і за вашае існаванне наогул! Але ж пытанне жорсткае:
Колькі магчыма, прабачце, жаваць соплі?!? Калі вы ўжо з Міхалком распачнеце грамадзянскую ініцыатыву па тыканні носам чынуш у іхняе ж адміністрацыйнае дзярмо?!? Як ніколі свядомым Беларусам патрэбны вашыя выступы ТУТ!.. Усё меньш магчымасцяў трапіць у Эўропу ці вандраваць па блізкаму замежжу! Выпрацуйце нейкі ўжо план, якія пісулі і куды напішыце афіцыйныя, для грамадства неабыякавага прыклады ў сеціва запампуйце! Паспрабуйце па ўсіх правілах аргганізаваць ваш канцэрт у якім Палацы Спорту напрыклад! Усе прыпоны ў сеціва і далей змагацца і абыходзіць! Асвятляць кожны крок паўсямесна!..
Не жадае моладзь болей кіслага калхознага малака!
Вольскага нам падавай! Падавай у Менск Міхалка!!!

Адказаць

Імя:: Лявон

10.05.2012 10:17

Як кажа прадусар "Ляпісаў" Яўген Калмыкоў, я Вас пачуў. Мы ўжо робім захады ў гэтых накірунках.

Імя:: Вiталь Горад:: Meнск

08.05.2012 19:31

Кажыце калi ласка цi будзеце спрабаваць вяртацца да канцэртау у Беларусi i калi ?

Адказаць

Імя:: Лявон

10.05.2012 10:17

Увесь час будзем спрабаваць вярнуцца.

Імя:: Наталля Горад:: Бабаруйск

08.05.2012 20:38

Вялiкi дзякуй за Вiльню у красавiку. Зашмат маiх сяброу не атрымалi бiлетау. Цi будуць яшчэ канцэрты у вильнюскiх клубах i калi?

Адказаць

Імя:: Лявон

10.05.2012 10:23

Калі - пакуль што цяжка сказаць. Але, паколькі ўсё выдатна пачалося, і схема працуе, будзем працягваць. Дарэчы, шчыра дзякую Ганьне, якая гэтую схему прыдумала і ажыцьцявіла, Уладзімеру і ягоным супрацоуніцам, на якіх лёг увесь цяжар працы з шматлікімі кліентамі, Лауры і Вайдасу, якія ўсё выдатна арганізавалі зь літоускага боку, і ўсім, хто быў спрычынены да арганізацыі віленскіх канцэртаў.

Імя:: Ілья Ф. Горад:: Менск

09.05.2012 17:03

Прывітанне, паважаны Лявон! Адкуль вы чэрпаеце свае веды?:) І як стаць такім жа вядомым і знакамітым, як і вы?:)

Адказаць

Імя:: Лявон

10.05.2012 15:06

Тут нічога параіць не магу. Чэрпаю веды з розных крыніцаў: адтуль, адкул і ўсе - з інтэрнэту, кнігаў. Толькі з тэлевізару ня чэрпаю, гады тры ўжо, як я яго адключыў, гляджу толькі фільмы, якія мне цікавыя, на ДВД. А што да папулярнасьці - я не лічу, што я такі ўжо вядомы і папулярны. Лепей як найменей імкнуцца да самавыразу і як найболей да таго, каб стварыць нешта новаі і цікавае.

Імя:: Магда Горад:: Магілёў

09.05.2012 17:35

Якія парады вы б далі для пачынаючых пісьменнікаў?

Адказаць

Імя:: Лявон

10.05.2012 15:10

Я сам усё жыцьцё пісьменьнік-пачатковец. Парады - болей чытаць.

Імя:: Вольга Горад:: Берасьце

09.05.2012 18:27

Лявон, выбачайце за магчыма асабістае пытаньне. Якога ліку і якога месяцы адбылося вашае вясельле?

Адказаць

Імя:: Лявон