Нарадзілася ў 1971 годзе ў Менску, у сям’і вядомага беларускага мастака Віктара Маркаўца.
Скончыла 26 сярэднюю школу з мастацкім ухілам і Беларускую акадэмію мастацтваў па спэцыяльнасьці гісторыя і тэорыя выяўленчага мастацтва.
У 1996 годзе стажыравалася ў Даніі. Потым працавала на мастацкім камбінаце, у Фондзе культуры, Фондзе разьвіцьця традыцыйнага мастацтва, менскім гарадзкім цэнтры дзіцячай творчасьці.
Робіць выцінанкі з паперы, пляце мастацкія творы з саломкі, тчэ габэлены, экспэрымэнтуе ў іншых традыцыйных жанрах народнага мастацтва.
Зьбірае калекцыі керамічных сьвістулек і выцінанак.