Затрымалі за тое, што фатаграфаваў спэцназ міліцыі
Актывіста «Эўрапейскай пэрспэктывы» затрымалі каля 9 гадзін раніцы.
«У сквэрыку выкарчоўваюць маладыя дрэвы. Грузяць іх на машыны і вывозяць. Кобрусеў фатаграфаваў гэта. Да яго падыйшоў міліцыянт і сказаў, што супрацоўнікаў міліцыі фатаграфаваць нельга, папрасіў дакумэнты. Дакумэнтаў у Дзяніса не аказалася, яго завялі ў сіні мікрааўтобус і павезьлі», — заявіў
Эўрарадыё паплечнік Кобрусева
Віктар Янчурэвіч.
Янчурэвіч таксама заявіў, што спэцназаўцы выкарчавалі нават тыя дрэвы, якія былі пасаджаныя падчас нядаўняга суботніку.