Лінкі ўнівэрсальнага доступу

У Берасьці дэмакраты зладзілі першамайскую акцыю


Берасьцейскія актывісты БСДП(Г), АГП, партыі «Справядлівы сьвет», прафсаюзу РЭП і Свабоднага прафсаюзу беларускага зладзілі акцыю да Міжнароднага дня салідарнасьці працоўных.

Некалькі дзесяткаў актывістаў прайшлі цэнтральнымі вуліцамі ў парк культуры і адпачынку імя 1 Траўня. Удзельнікі акцыі несьлі партыйныя сьцяжкі, бел-чырвона-белыя стужкі й балёнікі. Па дарозе яны раздавалі мінакам віншавальныя паштоўкі.

Як апавёў кіраўнік Берасьцейскай абласной арганізацыі БСДП(Г) Ігар Маслоўскі, акцыя прайшла мірна і без затрыманьняў:

«Мы хацелі правесьці акцыю ў больш шырокім фармаце, дзеля чаго загадзя падавалі заяўку на дэманстрацыю і мітынг у гарвыканкам. Аднак улады забаранілі нам яе праводзіць — яны забараняюць ушаноўваць Міжнародны дзень салідарнасьці працоўных цягам дзесяці гадоў».

Спадар Маслоўскі кажа, што ўлады мэтанакіравана падмяняюць сьвята салідарнасьці працоўных сьвятам працы:

«Афіцыйна сьвята так і называецца — Дзень працы. Аднак мы сьвяткуем яго як Міжнародны дзень салідарнасьці працоўных. Бо салідарнасьць працоўных вельмі важная катэгорыя. Будзе салідарнасьць — ня будзе дыскрымінацыі працоўных. Тады будзе гарантаваным і права на працу».
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG