серада, 23 красавіка 2014, Менск 12:13

УСЕ НАВІНЫ / Палітыка

Ле Пэн заклікала прыхільнікаў галасаваць пустымі бюлетэнямі

Лідэр францускага Нацыянальнага фронту Марын Ле Пэн сёньня заклікала сваіх прыхільнікаў галасаваць незапоўненымі бюлетэнямі падчас другога туру прэзыдэнцкіх выбараў.

Марын Ле ПэнМарын Ле Пэн
x
Марын Ле Пэн
Марын Ле Пэн
ПАМЕР ШРЫФТУ - +
"Я прагаласую пустым бюлетэнем. Я свой выбар зрабіла, вы таксама павінны зрабіць свой", - заявіла Ле Пэн, якая заняла ў першым туры трэцяе месца з 18% галасоў.

Ле Пен заклікала не падтрымліваць ні сацыяліста Франсуа Алянда, ні правацэнтрыста Нікаля Сарказі, якія выйшлі ў другі тур.

Другі тур выбараў прэзыдэнта Францыі адбудзецца 6 траўня.

Ле Пэн заявіла, што Сарказі аддаў зашмат францускага сувэрэнітэту Эўразьвязу і пашырае беднасьць сярод грамадзян рэспублікі сваёй эканамічнай палітыкай.
 
Як адзначае агенцтва  France-Presse, Ле Пэн зьбіраецца стаць новым тварам апазыцыі пры прэзыдэнце-сацыялісьце, пацясьніўшы з гэтага месца Сарказі і яго партыю "Саюз за народны рух".

Паводле сацыялягічных апытаньняў адносная большасьць выбарцаў Нацыянальнага фронту гатовая падтрымаць у другім туры Сарказі, аднак адмова ў падтрымцы з боку Ле Пэн можа стаць сур'ёзным ударам для дзейнага прэзыдэнта, які - паводле тых самых апытаньняў - пакуль адстае ад свайго суперніка-сацыяліста.

Ле Пэн заклікала сваіх прыхільнікаў сканцэнтраваць намаганьні на выбарах у Нацыянальную асамблею, якія маюць адбыцца ўжо сёлета.
Гэтая дыскусія закрытая.
Камэнтары
     
Камэнтароў няма. Дадайце свой і будзьце першыя.
Відэа