Вус: Сход ініцыятыўнай групы адбыўся
У Менску адбыўся сход ініцыятыўнай групы па зьмене выбарчага заканадаўства. У ім бралі ўдзел каля 160 чалавек.
Дзьмітры Вус
Пра гэта паведаміў «Свабодзе» экс-кандыдат у прэзыдэнты Дзьмітрый Вус.
«Гэтага кворуму дастаткова, каб зарэгістравацца. У ініцыятыўную групу ўвойдуць 340 чалавек. Мы аддаём сьпісы на рэгістрацыю ў Цэнтрвыбаркам. Мы дзейнічаем згодна з Канстытуцыяй і згодна з законам аб ініцыятывах грамадзянаў».
Паводле Вуса, сход праходзіў на вольным паветры, у раёне Арлоўскай вуліцы.
3 траўня палітык плянуе правесьці прэс-канфэрэнцыю з гэтай нагоды.