серада, 23 красавіка 2014, Менск 10:19

УСЕ НАВІНЫ / Культура

Васіль Быкаў у пасьляжыцьці

Беларускі андэграўндны моладзевы інтэрнэт-часопіс 34mag.net выдаў электронна зборнік Васіля Быкава «Пасьляжыцьцё». У кнігу ўвайшлі аповесьці і апавяданьні, якія ніколі не друкаваліся пры жыцьці аўтара.

ПАМЕР ШРЫФТУ - +
Аказалася, што дзевяць гадоў, якія прайшлі са сьмерці Васіля Быкава, – недастатковы час для таго, каб асэнсаваць ролю пісьменьніка ў гісторыі краіны і яе літпрацэсу ў прыватнасьці. Дагэтуль застаецца спрэчным і месца, якое Быкаў заняў у пантэоне герояў сучаснай Беларусі, пішуць выдаўцы.

Пад адной вокладкай сабраныя пяць твораў розных часоў напісаньня. Аповесьць «Атака» і апавяданьне «Жалезны камандзір» не так даўно былі знойдзеныя ў гарадзенскім архіве аўтара і адносяцца да 1960-х гадоў. Аповесьць «Афганец» і апавяданьне «Бутэльчына» створаныя ўжо ў незалежнай Беларусі, і гаворка ў іх таксама ідзе пра сучаснасьць. Акрамя таго, у зборнік ўвайшла незавершаная аповесьць «Бліндаж», распачатая ў 1987 годзе. Усе тэксты выходзяць у аўтарскай рэдакцыі.

Пры афармленьні кнігі за аснову была ўзятая коміксавая стылістыка. Дызайн выданьня – рэфлексія выдаўцоў на тое, што адбываецца ўнутры зборніка.

Спампаваць кнігу.
Гэтая дыскусія закрытая.
Сартаваць камэнтары
Камэнтары
     
Імя:: Отдельный
01.05.2012 20:39
Спасибо за новость, очень интересно!
Відэа