«У нас плянавалася рэалізацыя інвэстыцыйнай дамовы з кітайскім бокам па будоўлі другой паласы і новага тэрмінала. Але з прычыны абставін, незалежных ад беларускага боку, мы пакуль спынілі зь імі супрацоўніцтва», — сказаў Уладзімір Косьцін.
Кіраўніцтва аэрапорту распрацавала ўласную канцэпцыю будаўніцтва другой узьлётна-пасадачнай паласы і рэканструкцыі комплексу.
Беларусь заключыла ў 2010 годзе з Кітаем дамову па праекце рэканструкцыі Нацыянальнага аэрапорту «Менск» і будоўлі другой узьлётна-пасадачнай паласы фінансаваньнем у 600 мільёнаў даляраў, — паведамляе Інтэрфакс.
Праект меркавалася рэалізаваць да 2014 году, да правядзеньня чэмпіянату сьвету па хакеі. Рэалізацыя праекту павінна была павялічыць аб’ём пасажыраў, якія абслугоўваюцца аэрапортам, да 5 мільёнаў чалавек у год. Аднак кітайскі бок заявіў пра павелічэньне кошту праекту практычна ў два разы.
Косьцін дадаў, што пакуль не ўдаецца рэалізаваць інвэстпраект, які прадугледжвае вынас за горад Менскага авіярамонтнага заводу. «Што тычыцца авіярамонтнага заводу, у нас былі пляны, але інвэстыцыйны праект не рэалізаваны з-за ўказу прэзыдэнта пра спыненьне адносін з кампаніяй «ІТЭРА», — сказаў ён.
Кіраўніцтва аэрапорту распрацавала ўласную канцэпцыю будаўніцтва другой узьлётна-пасадачнай паласы і рэканструкцыі комплексу.
Беларусь заключыла ў 2010 годзе з Кітаем дамову па праекце рэканструкцыі Нацыянальнага аэрапорту «Менск» і будоўлі другой узьлётна-пасадачнай паласы фінансаваньнем у 600 мільёнаў даляраў, — паведамляе Інтэрфакс.
Праект меркавалася рэалізаваць да 2014 году, да правядзеньня чэмпіянату сьвету па хакеі. Рэалізацыя праекту павінна была павялічыць аб’ём пасажыраў, якія абслугоўваюцца аэрапортам, да 5 мільёнаў чалавек у год. Аднак кітайскі бок заявіў пра павелічэньне кошту праекту практычна ў два разы.
Косьцін дадаў, што пакуль не ўдаецца рэалізаваць інвэстпраект, які прадугледжвае вынас за горад Менскага авіярамонтнага заводу. «Што тычыцца авіярамонтнага заводу, у нас былі пляны, але інвэстыцыйны праект не рэалізаваны з-за ўказу прэзыдэнта пра спыненьне адносін з кампаніяй «ІТЭРА», — сказаў ён.
