Нагодай для папярэджаньня, зазначае спадар Санаценка, сталіся, паводле супрацоўнікаў КДБ, ягоныя публікацыі на інтэрнэт-партале «Бабруйскі кур’ер», сайце Беларускай асацыяцыі журналістаў і Беларускім партызане.
Гутарылі супрацоўнікі КДБ з журналістам у кабінэце інспэктара раённай падатковай інспэкцыі, куды яго выклікалі нібыта для ўдакладненьня абставінаў прыпыненьня дзейнасьці рэклямнага агенцтва, якім ён кіруе.
«Пасьля таго як мы пагутарылі з інспэктарам у кабінэт зайшлі двое мужчынаў і прапанавалі мне застацца. Прадставіліся супрацоўнікамі Камітэту. Доўга не хацелі называць свае імёны. Урэшце назваліся. Адзін назваўся палкоўнікам Дзьмітрыем Леанідавічам, і ён жа прадставіў свайго калегу Дзьмітрыя Генадзьевіча. Пасьведчаньняў не паказалі. Увесь час гутаркі Дзьмітры Генадзьевіч сядзеў за кампутарам інспэктара падаткавіка і кляцаў па клявіятуры. Дзьмітры Леанідавіч паказаў мне зь дзясятак раздруковак маіх публікацыяў. Ён даводзіў, што ў гэтых публікацыях нібыта непраўдзівая інфармацыя. Я заявіў, што наша сустрэча незаконная і калі ў іх ёсьць да мяне прэтэнзіі, каб выклалі гэта пісьмова і даслалі мне. Камітэтчык на гэта заявіў, што ў крымінальным кодэксе ёсьць артыкул 369.1 „Дыскрэдытацыя Рэспублікі Беларусі“ і ён мяне папярэджвае што я магу быць прыцягнутыя да адказнасьці па гэтым артыкуле. Напрыканцы гутаркі другі камітэтчык паспрабаваў нешта раздрукаваць, але ў яго не атрымалася. Я папярэдзіў, што падпісваць нічога не зьбіраюся. Назваць фармат нашай гутаркі яны адмовіліся. Разьвіталіся са мной без абяцаньняў сустрэцца зноў», — паведаміў Санаценка.
Журналіст кажа, штор гутарка доўжылася дзьве з паловай гадзіны. Пасьля таго як ён прыйшоў да хаты яму патэлефанавалі з Бабруйскага гарвыканкаму з аддзелу ідэалёгіі і папрасілі зайсьці да іх. Санаценка адмовіўся. Ён заяўляе, што цікавасьць да яго асобы найперш зьвязаныя зь ягонай прафэсійнай журналісцкай дзейнасьцю.
Гутарылі супрацоўнікі КДБ з журналістам у кабінэце інспэктара раённай падатковай інспэкцыі, куды яго выклікалі нібыта для ўдакладненьня абставінаў прыпыненьня дзейнасьці рэклямнага агенцтва, якім ён кіруе.
«Пасьля таго як мы пагутарылі з інспэктарам у кабінэт зайшлі двое мужчынаў і прапанавалі мне застацца. Прадставіліся супрацоўнікамі Камітэту. Доўга не хацелі называць свае імёны. Урэшце назваліся. Адзін назваўся палкоўнікам Дзьмітрыем Леанідавічам, і ён жа прадставіў свайго калегу Дзьмітрыя Генадзьевіча. Пасьведчаньняў не паказалі. Увесь час гутаркі Дзьмітры Генадзьевіч сядзеў за кампутарам інспэктара падаткавіка і кляцаў па клявіятуры. Дзьмітры Леанідавіч паказаў мне зь дзясятак раздруковак маіх публікацыяў. Ён даводзіў, што ў гэтых публікацыях нібыта непраўдзівая інфармацыя. Я заявіў, што наша сустрэча незаконная і калі ў іх ёсьць да мяне прэтэнзіі, каб выклалі гэта пісьмова і даслалі мне. Камітэтчык на гэта заявіў, што ў крымінальным кодэксе ёсьць артыкул 369.1 „Дыскрэдытацыя Рэспублікі Беларусі“ і ён мяне папярэджвае што я магу быць прыцягнутыя да адказнасьці па гэтым артыкуле. Напрыканцы гутаркі другі камітэтчык паспрабаваў нешта раздрукаваць, але ў яго не атрымалася. Я папярэдзіў, што падпісваць нічога не зьбіраюся. Назваць фармат нашай гутаркі яны адмовіліся. Разьвіталіся са мной без абяцаньняў сустрэцца зноў», — паведаміў Санаценка.
Журналіст кажа, штор гутарка доўжылася дзьве з паловай гадзіны. Пасьля таго як ён прыйшоў да хаты яму патэлефанавалі з Бабруйскага гарвыканкаму з аддзелу ідэалёгіі і папрасілі зайсьці да іх. Санаценка адмовіўся. Ён заяўляе, што цікавасьць да яго асобы найперш зьвязаныя зь ягонай прафэсійнай журналісцкай дзейнасьцю.
