Лінкі ўнівэрсальнага доступу

Кавалёвых і Канавалавых «ахоўваюць» міліцыя і спэцслужбы


Кветкі і сьвечка каля кватэры Кавалёвых
Кветкі і сьвечка каля кватэры Кавалёвых

Каля дома Кавалёвых «ахоўнікі» у форме спэцназу зьявіліся мінулым вечарам — калі людзі пайшлі туды са сьвечкамі ды кветкамі.

Аднаго хлопца, кажа сястра Ўладзіслава, Тацяна Козяр, затрымалі ды завялі ў машыну з зацемненымі вокнамі. Потым у сацыяльных сетках зьявіліся зьвесткі, што яго адпусьцілі без складаньня пратаколу.

Сьвечкі і кветкі нехта паставіў і каля кватэры Кавалёвых у доме № 6 па вуліцы Рэпін.

Але маці пакаранага сьмерцю за тэракт у менскім мэтро Ўладзіслава Кавалёва, якая 17 сакавіка атрымала афіцыйнае паведамленьне, што прысуд ужо выкананы, дагэтуль ня можа ў гэта паверыць:

«Я ня веру, гэтага душа мая не прымае. Я ведаю, што целы расстраляных не выдаюць сваякам, але я хачу, каб мне аддалі. Раз ужо ўсклалі на яго такі грэх, то няхай аддаюць. Каб я яго пахавала, каб магла б яму хоць кветкі прынесьці, каб людзі прынесьлі — а не так, да пад’езду. І каб міліцыя ды спэцслужбы не хапалі тых, хто йдзе з кветкамі ды сьвечкамі. Вы разумееце, яны нават мёртвага Ўлада баяцца!»

Любоў Кавалёва: «Яны нават мёртвага Ўлада баяцца!»
пачакайце

No media source currently available

0:00 0:01:03 0:00
Наўпроставы лінк


Апазыцыянэр Барыс Хамайда, сусед Кавалёвых, выказвае меркаваньне, што ня выключаны нейкія правакацыі супраць маці расстралянага, бо яна змагалася за свайго сына з дзяржаўнай сыстэмай:

«Стаяць два мікрааўтобусы з танаваным шклом каля дому № 6, ходзяць навокал людзі ў цывільным... За апошні год Любоў Іванаўна Кавалёва стала сымбалем змаганьня за жыцьцё свайго сына, за жыцьцё кожнага з нас... Яна стала сымбалем беларускай жанчыны, беларускай маці. Таму наш абавязак — бараніць яе. Трэба памятаць пра гэта, бо я не выключаю, што супраць яе магчымая нейкія правакацыі».

Барыс Хамайда гаворыць, што бачыў супрацоўнікаў спэцслужбаў і каля дому, дзе жыве сям’я другога пакаранага сьмерцю за тэракт у менскім мэтро. Бацькі Дзьмітрыя Канавалава жывуць пад аховай людзей у цывільным ужо амаль год, як толькі іхнага сына затрымалі па падазрэньні ў зьдзяйсьненьні тэракту. Людзі ў цывільным суправаджаюць іх на працу і дзяжураць у пад’езьдзе або ў машыне пад вокнамі кватэры.

Хамайда пра магчымыя правакацыі супраць маці Кавалёва
пачакайце

No media source currently available

0:00 0:01:29 0:00
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG