Першамайскі райсуд Віцебску працягвае разбор справы, ініцыяванай паводле заявы супрацоўнікаў інспэкцыі па выкананьні пакараньняў. Яны сьцьвярджаюць, што 24 лістапада Сяргей Каваленка іх абразіў, калі прыйшоў адзначацца ў інспэкцыю. Наведаньне інспэкцыі — гэта ягоны абавязак, бо актывіст адбывае ўмоўнае пакараньне за тое, што вывесіў ў 2010 годзе бел-чырвона-белы сьцяг на навагодняй ёлцы. Але актывіст сьцьвярджае, што нікога не абражаў і што на яго ўзводзяць паклёп, таму і абвясьціў галадоўку пратэсту.
Жонка актывіста Алена Каваленка: «Ён спачатку казаў, што адчувае сябе добра. Але я бачу, які ён схуднелы, што ў яго чорныя кругі пад вачыма, што яму цяжка размаўляць. Таму я выклікала хуткую дапамогу Сяргею. Але ахова нават не дапусьціла да яго лекараў, і нават вады даць яму не дазволілі! Проста пасадзілі зноў у машыну ды павезьлі ў СІЗА».
У СІЗА Сяргея Каваленку зьмясьцілі на час сьледзтва па крымінальнай справе — яго вінавацяць у парушэньні рэжыму адбываньня ўмоўнага пакараньня. За гэта, паводле артыкулу 415, актывісту пагражае да трох гадоў турэмнага зьняволеньня.
Жонка актывіста Алена Каваленка: «Ён спачатку казаў, што адчувае сябе добра. Але я бачу, які ён схуднелы, што ў яго чорныя кругі пад вачыма, што яму цяжка размаўляць. Таму я выклікала хуткую дапамогу Сяргею. Але ахова нават не дапусьціла да яго лекараў, і нават вады даць яму не дазволілі! Проста пасадзілі зноў у машыну ды павезьлі ў СІЗА».
У СІЗА Сяргея Каваленку зьмясьцілі на час сьледзтва па крымінальнай справе — яго вінавацяць у парушэньні рэжыму адбываньня ўмоўнага пакараньня. За гэта, паводле артыкулу 415, актывісту пагражае да трох гадоў турэмнага зьняволеньня.