Лінкі ўнівэрсальнага доступу

Сабрана больш за палову сродкаў для Алеся Бяляцкага


Алесь Бяляцкі
Алесь Бяляцкі

Праваабаронцы сабралі больш за палову ад неабходнай сумы, вызначанай судом, для выплаты стратаў Алесем Бяляцкім.

Разам з квітанцыямі аб ахвяраваньнях, людзі з розных гарадоў Беларусі дасылаюць словы падтрымкі Алесю Бяляцкаму і ягонай жонцы Натальлі Пінчук.

Пра гэта паведамляе праваабарончы цэнтар «Вясна».

У лістах і паштоўках — словы падзякі за дзейнасьць «Вясны» і яе старшыні. Беларусы зычаць Алесю Бяляцкаму хуткага вызваленьня, а ягонай сям’і і паплечнікам — трываласьці.

15 сьнежня беларускія праваабарончыя арганізацыі абвясьцілі збор сродкаў для выплаты сумы, якую павінен заплаціць Алесь Бяляцкі па пастанове суду ў якасьці шкоды нанесенай злачынствам, у якім яго абвінавацілі.

А гэта 757 млн. 526 тыс. 717 рублёў (каля 90 тысяч даляраў).

Гэтую суму важна ўнесьці да разгляду касацыйнай скаргі на прысуд Першамайскага раёну ў Менскім гарадзкім судзе. Унясеньне сумы паўплывае на рашэньне суда.

Між тым, як паведаміла БелаПАН праваабаронца Таццяна Равяка, дата разгляду касацыйнай скаргі Бяляцкага пакуль не вызначана.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG