Лінкі ўнівэрсальнага доступу

"Рэвалюцыя праз сацыяльныя сеткі" заклікае не паддавацца на правакацыі "дружыньнікаў"


Дружыньнікі з моладзевых атрадаў аховы правапарадку магчыма, будуць рабіць у цэнтры горада правакацыі. Іх задачай будзе правакаваць людзей на канфлікты і бойкі. Так улада хоча паказаць, што на акцыю прыйдуць неадэкватныя людзі з далёка ня мірнымі мэтамі.

Пра гэта гаворыцца ў адмысловым звароце суполкі «Рэвалюцыя праз сацыяльныя сеткі», распаўсюджаным 29 чэрвеня.

Суполка зьвяртаецца да моладзі і дружыньнікаў "не паддавацца на правакацыі, не ствараць сярод людзей, якія гуляюць у цэнтры горада канфліктаў, а наадварот прадухіляць усе магчымыя канфлікты паміж грамадзянамі і супрацоўнікамі праваахоўных органаў".

"Мы заклікаем людзей увесь час быць напагатове і ігнараваць любыя агрэсіўныя выпады з боку правакатараў! Памятаеце - наша сіла перад абліччам небясьпекі - у аб'яднаньні паміж сабой. Сіла людзей -- у іх арганізаванасьці, згуртаванасьці і салідарнасьці",-- гаворыцца ў звароце.

Паводле суполкі «Рэвалюцыя праз сацыяльныя сеткі», улады робяць захады дзеля таго, каб людзі не прыйшлі ў 19 гадзін на галоўную плошчу горада, каб выказаць сваю грамадзянскую пазыцыю і пратэст.

У групу суполкі «Вконтакте» паступае ўсё больш паведамленьняў аб тым, што кіраўнікам шэрагу дзяржаўных прадпрыемстваў «зьверху» загадалі ўсімі магчымымі шляхамі перасьцерагчы сваіх работнікаў ад удзелу ў якіх-небудзь няўзгодненых зь імі мерапрыемствах. Так настаўнікаў, ідэолягаў, актывістаў БРСМ прымушаюць раздаваць бясплатныя квіткі на дыскатэкі, канцэрты, праводзіць свае мерапрыемствы.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG