Лінкі ўнівэрсальнага доступу

КДБ і сабакі: флэш-моб супраць указу №60

абноўлена

Ля будынку Камароўскага рынку актывісты моладзевага дэмакратычнага руху ладзілі флэш-моб, накіраваны супраць указу №60 "Аб захадах для ўдасканальваньня выкарыстаньня нацыянальнага сэгмэнту глябальнай кампутарнай сеткі інтэрнэт".

У акцыі ўдзельнічалі 7 чалавек. Адзін з іх быў апрануты ў камізэльку з надпісам "КаГэБэ", а астатнія – у майкі, на якіх былі напісаныя тры літары www, якія сымбалізуюць інтэрнэт.

КДБ і сабакі: флэш-моб супраць указу
пачакайце

No media source currently available

0:00 0:02:24 0:00


Маладыя людзі, да якіх былі прывязаныя ланцугі, поўзалі на карачках, нібы сабакі, а хлопец у камізэльцы не даваў ім разьбягацца і ўвесь час цягнуў за ланцужкі. Удзельнікі флэш-мобу пад рогат мінакоў такім чынам дайшлі да ганку Камароўскага рынку, і на гэтым акцыя завяршылася. Але тут да іх падбеглі ахоўнікі, сярод якіх быў заўважаны былы кіраўнік міліцыі Савецкага раёну Менску.

Ахоўнікі пачалі кідацца да фотакарэспандэнтаў, пытацца, хто дазволіў рабіць здымкі і што гэта за акцыя. У выніку ўсё скончылася без затрыманьняў. Удзельнікі акцыі разышліся.




Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG