Астравец: судзяць Івана Крука
Іван Крук
17.06.2010 10:17
У Астравецкі раённы суд паўторна не зьявіліся тры сьведкі, на чыіх паказаньнях, згодна зь міліцэйскім пратаколам, грунтаваліся абвінавачаньні супраць Івана Крука ў распаўсюдзе нелегальнай друкаванай прадукцыі.
Тым не меней судзьдзя аб’явіў, што рашэньне будзе вынесена сёньня а 14-й гадзіне.
Актывіста АГП Івана Крука вінавацяць у распаўсюдзе бюлетэня "Прававая дапамога насельніцтву" без выходных дадзеных. Нібыта ён раскідваў бюлетэнь у паштовыя скрыні і наўпрост раздаваў людзям.
Абвінавачваньні на свой адрас Іван Крук адмаўляе, ён лічыць, што і сьведкі не зьявіліся ў суд, таму што ім няма чаго сказаць супраць яго.