Новы прэм’ер-міністар Украіны ачысьціў свой кабінет ад аўры Цімашэнкі

Пра гэта Азараў паведаміў 19 сакавіка ў Днепрапятроўску падчас прадстаўленьня новага старшыні Днепрапятроўскай абласной адміністрацыі. «Пасьля пасяджэньня Вярхоўнай Рады я зайшоў у кабінет прэм'ер-міністра і адчуў цяжкую, уціскальную аўру. Я патэлефанаваў сьвятару Паўлу з Кіева-Пячэрскай лаўры і папрасіў асьвяціць кабінэт. Ён прыехаў, асьвяціў, і стала лягчэй », – цытуе Азарава агенцтва УНІАН. Па словах украінскага прэм’ера, хоць пакуль у краіне справы не палепшыліся, але на душы стала лягчэй.