Арыштаваная сьледчая, якая вяла справы карупцыянэраў з КДБ
КДБ арыштаваў сьледчую па асабліва важных справах Генэральнай пракуратуры Сьвятлану Байкову.
Сьвятлана Байкова
Байкова расьсьледавала справы высокапастаўленых карупцыянэраў з КДБ, у тым ліку былога “чэкіста” і мытніка Анатоля Грамовіча ды іншых.
Таксама сьледчая Сьвятлана Байкова займалася шэрагам спраў па карупцыі ў міліцыі.
У 2000-х гадах Сьвятлана Байкова вяла справу пра зьнікненьне былога міністра ўнутраных спраў Юрыя Захаранкі. Праз два гады гэтую справу ў Байковай адабралі.
Паводле зьвестак, апошнім часам Байкова скардзілася, што немагчыма працаваць, і выказвала жаданьне пайсьці ў адстаўку.
У генпракуратуры Беларусі факт арышту Байковай пацьвердзілі.
“Магчыма, зь яе боку былі парушэньні працэсуальнага характару”, -- заявіў Інтэрфаксу генэральны пракурор Рыгор Васілевіч, які сказаў, што дакладна ня ведае, у чым падазраюць ягоную падначаленую.
Падрабязнасьці – пазьней на нашым сайце.