Васілевіч хоча прапусьціць чыноўнікаў праз паліграф
Генэральны пракурор Беларусі Рыгор Васілевіч упэўнены, што некаторых беларускіх чыноўнікаў трэба правяраць на дэтэктары хлусьні — ці схільныя яны да карупцыйных злачынстваў.
Рыгор Васілевіч
“Я лічу, што можна пры прыёме на працу правяраць чыноўнікаў на паліграфе (дэтэктар хлусьні — Інтэрфакс)”, — заявіў генпракурор у сераду на прэс-канфэрэнцыі ў Менску. Пры гэтым ён адзначыў, што ў сфэры барацьбы з карупцыяй сярод службовых асобаў “вельмі важны фактар падбору кадраў”.
Васілевіч таксама нагадаў сваю ранейшую прапанову: каб скараціць колькасьць карупцыйных злачынстваў сярод чыноўнікаў, некаторых службовых асобаў можна было б вадзіць на экскурсіі ў месцы пазбаўленьня волі.
У 2009 годзе ў Беларусі было зьдзейсьнена болей 3,3 тысячы карупцыйных злачынстваў. 1700 асобаў прыцягнутыя да адказнасьці. Страты ад злачынстваў скалі 53 мільярды рублёў.