Віны беларускага боку ў крушэньні польскага верталёта не знайшлі
Беларуская транспартная пракуратура спыніла расьсьледаваньне крымінальнай справы па факце крушэньня польскага верталёта 31 кастрычніка 2010 году.
Агенцтва
БЕЛТА прыводзіць выказваньне неназванага чыноўніка Транспартнай пракуратуры, які сказаў: “Мы спыняем расьсьледаваньне справы і канстатуем, што віны беларускіх навігацыйных, памежных службаў або звычайных грамадзянаў няма. Ніякіх перашкод верталёту нашы прыборы не стваралі”.
У Польшчы расьсьледаваньне працягваецца.
Верталёт памежнай стражы Польшчы пацярпеў катастрофу 31 кастрычніка ў Камянецкім раёне Берасьцейскай вобласьці Беларусі. Абломкі верталёта і целы трох членаў экіпажу былі знойдзеныя ў 200 мэтрах ад мяжы з Польшчай.