Найбольш абсурдная адмова году
Дыплём з такой жартаўлівай назвай прысуджаны Ўпраўленьню юстыцыі Гарадзенскага аблвыканкаму незарэгістраванай Асамблеяй няўрадавых дэмакратычных арганізацый Беларусі.
Падставай для такой “узнагароды” стала адмова ў рэгістрацыі слонімскага грамадзкага аб’яднаньня “Залаты леў”. Адной з прычын адмовы ў рэгістрацыі стала тое, што “ў тэксьце статута арганізацыі адсутнічае расшыфроўка назвы “Залаты леў”.
Заўтра ў абласным судзе Горадні будзе разглядацца скарга слонімскіх актывістаў на гэтае рашэньне. І заўтра ж актывісты плянуюць уручыць “дыплём” прадстаўнікам абласнога ўпраўленьня юстыцыі.