Паводле адміністрацыі віцебскага аўтапарку № 1, адмена прыкладна 8-мі адсоткаў рэйсаў выклікана тым, што прадпрыемства стратнае. Праезд у гарадзкім грамадзкім транспарце каштуе 500 рублёў, і гэты кошт не падвышаўся ўжо два гады, бо не дазваляе Міністэрства эканомікі. Субсыдыі з абласнога і гарадзкога бюджэтаў штогод скарачаюцца, і да канца году сродкаў на паліва, запчасткі, рамонт і заробкі работнікам не хапае.
Таму было вырашана зэканоміць перадусім на паліве — не выпраўляць у рэйсы пэўную колькасьць аўтобусаў. У поўным аб’ёме аўтобусныя перавозкі па горадзе будуць ажыцьцяўляцца толькі зранку і ўвечары, у так званыя “гадзіны пік”. Цягам дня і пасьля 19-й гадзіны транспарту давядзецца чакаць даўжэй.
Да такіх самых захадаў гатовы і віцебскі трамвайна-тралейбусны парк. Хоць гэта больш эканамічны транспарт, пасажырскія перавозкі стратныя і там.
Адмыслоўцы падлічылі, што ў Віцебску квіток на праезд павінен каштаваць сама меней 1000 рублёў, каб хаця б пакрыць выдаткі — пра якія-кольвек прыбыткі гаворка ўжо не ідзе. Але ў Міністэрстве эканомікі лічаць, што такія кошты на праезд жыхары Віцебску “не пацягнуць” і грамадзкі транспарт стане яшчэ больш стратным.
Таму было вырашана зэканоміць перадусім на паліве — не выпраўляць у рэйсы пэўную колькасьць аўтобусаў. У поўным аб’ёме аўтобусныя перавозкі па горадзе будуць ажыцьцяўляцца толькі зранку і ўвечары, у так званыя “гадзіны пік”. Цягам дня і пасьля 19-й гадзіны транспарту давядзецца чакаць даўжэй.
Да такіх самых захадаў гатовы і віцебскі трамвайна-тралейбусны парк. Хоць гэта больш эканамічны транспарт, пасажырскія перавозкі стратныя і там.
Адмыслоўцы падлічылі, што ў Віцебску квіток на праезд павінен каштаваць сама меней 1000 рублёў, каб хаця б пакрыць выдаткі — пра якія-кольвек прыбыткі гаворка ўжо не ідзе. Але ў Міністэрстве эканомікі лічаць, што такія кошты на праезд жыхары Віцебску “не пацягнуць” і грамадзкі транспарт стане яшчэ больш стратным.
